Breaking News: Mogok Ah Accidentnak Ttihnung A Chuak Minung Pathum An Thi

Nai hrawng kan vawleicung thawngpang cu ningtti lei khi a si cang. Thawngpang ttha pakhat te manh theih awk le hmuh awk aum kho ti lo. Tuni June 19.6.2020 zing suimilam 9:00am ah Mogok myo ah building an sak mi ruahpi tam tuk sur ruangah a min i minung pathum an thi, pakhat sizung ah an kal pi i, pahnih cu an thih le dam hmanh an thei kho rih lo.

Tu hi minung pahnih cu vawlei nih a cimh chih hna i an thih le dam hmanh an thei kho rih lo. An ruak an kawl cuahmah lio pi a si. Nai hrawng cu Mogok myo ah siamsiam in ruahpi a sur caah tu le tu in vawlei a min lengmang i thinphang taktak khi a si.

Minung pali an chuah khawh cang i mah chung ahcun mi pathum cu an thi i, pakhat sizung ah an zohkhenh lio pi asi. Minung pahnih cu vawlei nih chilh dih caah an hmuh kho rih hna lo an kawl cuahmah lio a si. Mah pahnih zawng hi zeiti hmanh an nun khawh nak ding lam a um ti lo tiah an chim.

Tulio kan vawleicung akan buaiter biktu Covid-19 zawtnak in minung tampi an nunnak a liam cuahmah i cheukhat eiawk dinawk ngeih lo ruang ah lungrethei in an um fawn. Cu tluk lungrethei i um lio ah Mogok kyo ahcun ruahpi tam tuk sur ruang ah harnak an rak tawng cuahmah ve fawn.