Breaking News: An Hawipa Titla Mi Kan Chanh An Tihnak Ah Minung 8 Ti Ah An Paam

Chinaram, Phumit tiva kam ah a um mi Primary School ah kai mi sianghakchia minung pasarih cu an hawipa titla kan chanh an tihnak ah an pariat ning tein ti ah an tla i an thi dihtiah theih asi. Primary sianghakchia lawng an si caah tilio an thiam tuk lo caah an dihlak in an nunnak a liam hi a si.

Mah thil cangmi June 22 zinglei suimilam 7:30am hrawng ah khin ruak pakhat cu an hmuh tiah theih a si. Mah sianghakchia hna hi an dihlak tein tangkhat kai tti mi lawng te an si hna tiah theih an si fawn. Sianginn an kai zawng ah hmun khat teah a kal tti mi le a lawi tti zungzal mi an si.

A hmaisa cem a tla mi sianghakchia cu pa a s ii, a dang minung pasarih cu nu lawng te an si hna tiah theih an si. Mah sianghakchia hna cu Mixin Town Primary School ah a kai tti mi lawng te an si. Hi bantuk vanchiat nak a tawngmi hna ruang ah an saya/mah te zawng lung nuam lo in an um dih hna.

An ruak cu minung 200 renglo nih ni riat chung an kawl cang hna nain mipakhat ruak lawng an hmuh hna. A hmaisa cem a tla mi sianghakchia pa hi zei bantuk i arak tla mi dah a si tihmi cu mizei hmanh nih biafiang theih khawh a si lo. Mi tampi nih an zumhnak ahcun lio a vai timhnak ah a tla sual mi a si ko la tiah zumhnak an ngei.

Tulio caan hi Laitlang khuate lei zawng ah kan fale tive ah kal in tilio an hman lio caan a si caah nule pa ralring taktak a herh lio caan a si. Hi lio caan te hi Laitlang khuate ah titla thawngpang kan theih lengmang nile caan a si caah ralring tein kan fale zohkhenh khawh kha i zuam cio hna u sih.