Breaking New: Birthday A Hmang Mi Mino 11 Cu Accident An Tawng

Shan State nitlak lei kam, Main Kaing Myone, a hmat (2) zatkuat mitat zung kam ah June 7.2020 ah mino 11 hna cu an hawipa inn birhday nuam emem in an hmang hna i mah dih hnu in cun leng ah i nuam tthan ding in an chuak tthan i caan zeimaw zah an i nuamh hnu ah khin an ttin lei ah accident an tawng tiah theih a si.

 

 

 

 

 

 

 

 

 

 

Accident an tawn ning cu hiti hin a si, birthday an hman dih hnu ah khin leng ah i nuam dingin Suimintthinhmuaitaw phaza antihmi lei ah an kal i caan zeimaw zah an i nuamh hnu ah khin anrak ttin lei mitat zung kam ah an panh lai teah khin an mawraw driver nihcun a speed sang taktak in an sanh i mah tlawmpal ah cun lam sir ah a dirter mi Taxi pakhat cu fak taktak in an va pah.

Taxi kam ah arak dir mi nghakchia pakhat cu a ke kiak lak in an pah chih tiah theih a si. Birthday hmang mi mino 11 hna cu an dihlak tein hliamhma anpu ko nain van tthat ah a thi pakhat hmanh an um lo tiah theih asi. Miang Kaing myone palik nih cun nincang lo in mawtaw nan mawngh tiah an zapi tein dan an tat hna tiah theih a si.

 

 

 

 

 

 

 

 

 

 

Minung kan nunak ngai hi ka ngandam ko, ka tthawng ko, ka mui aadawh tiah daithlang ngai le uah ngai in um awk kan rak ttha hrim lo, a ruang cu zeitik caan paoh ah mah mino 11 bantuk khin accident nak atawng kho mi lawngte kan si. Hi tluk kan vawleicung boruak chiak lio ah hi bantuk accident nak thawngpang vun theih cu a pawi taktak.

Main Kaing mino minung 11 hna zawng hi a hram thawk ahcun nuam emem in birthday an hmang ko nain an ttin lei ahcun tu accidentnak an cung ah a tlung diam ko. Mah mino hna nih khin accident kan tawng te lai timi hrim khi an ruat lai ka zum lo. Accident nak kan tihmi cu Maing Kaing mino hna bantuk khin a tawng kho mi lawng te kan si ti kha philh hna hlah u sih.