Bomb Puak Mi Ruang Nghakchia Minung 6 Hliamhma An Pu I Pakhat Cu Tuzan Ah A Nunnak A Liam

Tuni July 30 zanlei suimilam 4:30pm hrawng ah khan Kuat Khain Myone khu Tin khuate ah bomb a puak i nghakchia minung paruk hliamhma an pu tiah theih a si. Minung paruk chung ah nghakchia pakhat cu tuzan suimilam 9:00pm ah kan a nunnak a liam tiah theih a si.

Mah nghakchia minung paruk hna cu inn pawng ah lente an i celh cuamah lio ah khin bomb arak puak i cu bomb puak mi nihcun akhen hna i an paruk ning tein hliamhman an pu tiah theih a si. Mah minung paruk chung ahcun kum 5 mi ma King Kham an tihmi cu suimilam pakua le munite sawmli ah anunnak a liam.

A thi mi nghakchia hringtu nule pa hna cu San pyine nichuah lei Tachileih myo ah khuasa mi an si i, a thi mi an fa nute cu a pu le sin ah a um mi a si tiah theih a si. Hliamhma a pu mi nghakchia minung pahnih hna cu Kuat Khain sizung ah thlopbul cuahmah an si.

Hliamhma pu mi hna cu Kyaw Htun kum 7, Aye Lawng kum 8, Aung Nan kum 5 hna cu an hliamhma a fah deuh caah Lashio myo sizungah an kal pi hna. A luancia mi zarh ah khan ralkaap tatmah 99 khah-lah-zah 419 hna cu bomb puaknak inn ah an riak ruang ah hi bantuk kahdohnak an tawnnak a si tiah khua mi pakhat nihcun an chim.

Kawl ralkaap le AA tapung ruang ah hin sualnak ngei minung zeizah dah nunnak liam cang i minung zeizah nih dah inn lei lo an zam tak cang ruah lengmang ah hin ngaihchia taktak khi an si. Kan kawlram ngai hi zeitik ah khin dah kahdohnak thawngpang a daih te ngha hi ruah lengmang ah lungrawk taktak a si.