Benjamin Sum Le Muidawh Shinbia Mizo Kan Unau Hna Nih An Hei Uar Khawh Hna Ning Cu Khuaruahhar Lei A Si

US ram in Mizoram Aizawl ah a va tlawng mi muidawh Shinbia le hlasak thiam Benjamin Sum mizo kan unau hna nih an hei uar khawh ning hi cu khuaruahhar lei khi a si. Mizo kan unau pawl nih mi an uar vaivek ahcun an uar lawlaw bak khi si ko.

Mizo kan unau hna le Mizoram ah khuasa Falam nih Shinbia le Benjamin Sum an hei uar hna ning khi cu an luan deuh hlah maw ti awk khi an um. a tang video hi rak zoh hmanh Shinbia le Benjamin Sum hman an thlak pi taktak cu a cawh bak khin an nin cuh ko.

Hi bantuk minung hna kan laipa/ kan Lainu hna i an rak um hi cu Pathian thlawchuah pakhat bak asi. Mui nih le dawh, hlasak nih le thiam, holh phun nih thiam tam emem fawn. An pahnih te hin Mizo mipi sin ah Lai mi kan hmai ankan nghalter tu bak an si.

Shinbia le Benjamin Sum nih Thlapi tihmi Falam hla Chin Tv night ah an pahnih i duh tawk an vun sak ah hin cun lung a hmui kho tuk ee. Hi bantuk minung hi cu kan pa/ kan Lainu ahcun an har ngai men lai tiah ka ruah. An hlasak nak hi rak zoh law tampi chim hau lo in zei bantuk minung dah an si tihmi le zeitluk in dah uar an um timi cu nai fiang ko la.

Nizan ah Chin TV Night Mizoram ah Aizawl khualipi ah tuahmi Chin TV international page nih Live an thlahmi ka zoh ve. A sunglawi taktak. Khat te lei ah kan ram that lo cu Mizo kan uanu hna he pehtlaihnak ttha naih niam deuh i um khawh kan duh caah a si.

An thil tuah a pical, Laimi le Mizo hi Chin chung ah unau thisen khat kan sinak zong fek chinchin in a tthatter chin lai ka zumh. Chin TV riantuantu hna le CBANA cung ah lawmh a um tuk hringhran. Tawlreltu vialte cung ah upatnak kan pek hna.

Leave a Reply

Your email address will not be published.