Bawipa ka phu ka tawk lo in na ka cawisan ka lawm tuk: Esther Dawt Chin Sung

Dawtu nan dih lak nan ka dir pi nak le dawtnak cung ah kei nih minung si nak in cham ding ka ngei lo kan biak Pathian tu nih aa letza in thlawchuah in pe ko hna seh.

Mipi nih kan i ngeih taktak mi myanmar Idol season 4 winner Esther Dawt Chin Sung hla thar cu ngai khawh a si cang. Kawlram pumpi ah hlasa lei in a min a thang taktak mi Esther Dawt Chin Sung cu tu lio kan mah chin mi chung long hmanh si lo in kawlram pumpi huap in a min a thang taktak mi hlasa thiam minthang pakhat a si.

Singer Esther Dawt Chin Sung cu kawlram mipi nih an uar taktak mi le thazaang zong an pe taktak mi kawlram hhlasa thiam min thang pakhat a si. Esther Dawt Chin Sung fans hna nih kan i ngeih tuk mi Esther hla thar cu a chuah cang.

Mipi nih kan uar taktak mi singer Esther Dawt Chin Sung a hla thar cu kawlram suimilam 7:00pm ah JOOX,Official FB page, Official Youtube account le a dang Online Platform in a van tar lang cang. Atang lei ah Esther Dawt Chin Sung hla thar Unseen ti mi hla cu zoh duh mi hna caah kan van in tar piak ve hna.  Video tihmi hi hmeh piak

Relchap>>>Lebanon, Beirut Khuapi Ah Ttihnung Tak Tak Mi A Puak Ruang Ah Minung 132 Nak Tlawm Lo Ruak An Hmuh Cang

Lebanonram Beirut khuapi ah ttihnung taktak mi vawi hnih kheng te a puak ruang ah minung 132 reng lo an nunnak a liam leng ah mi 5000 hliamhma an pu tiah theih a si. A pawngkam um building ngan taktak cu a rawk dih cikcek tiah theih a si.

Hi bantuk tthihnung taktak mi a puak caan hi August 4 zan suimilam 6 lonh hrawng ah khin a si i, vawi khat a puak hnu tlawmpal ah khin a hlannak thang deuh le ttihnung deuh in a rak puak tthan tiah Russia thawngzamhtu RT nihcun an langhter.

Hi bantuk ttihnung taktak a puak hnu tlawmpal ahcun hliamhma a pu mi hna cu sizung ah an khat dih tiah Lebanon thawngzamhtu Reuters nihcun an langhter. Ttihnung tukmi a puak hnu tlawmpal bak ahcun a pawngkam um bilding hna cu Lihnin nih a hninh hna bang in an i hnin tluahmah.

Sky News nih a langhter ning ahcun mitat phu phukhat cu a tlau bak in an tlau dih tiah a langhter ve. Lebanon cozah thawngzamhtu a si mi NNA le Lungchungzi lei thawngzamhtu pahnih hna nih an chim ning ahcun mah thil puak nak hmun ah hin a puak kho mi thilri tampi an chiahnak hmun hma a si tiah an chim.

Online cung ah ttihnung taktak vawi hnih a puak nak hmun ahcun meikhu khi van sang lei ah an kai thluahmah lio cu hmuh khawh a si. Cun a pawngkam um building cheukhat hna cu an kangh leng ah an kuai dih cikcek mi cu hmuh khawh a si fawn. A tang video hi rak zoh ve hmanh ttihnung taktak khi a si.