Bawipa Dawtnak Thawngin John The Baptist Nih Jesuh Khrih Tipil A Peknak Hmun Yardenit Ah Laica Tar A Si Ve Cang

Bawi Khrih ah miphun hawi hna, John the Baptist nih Jesuh Khrih tipil a peknak hmun asi tiah zumhmi Yardenit ah vawleicung miphun nih Mark 1:9-11 tiang anmah le holh cio in tial in tar cio asi.

Chin holh in tar asi ve cang, Bawipa sinah pekchanhnak zong ngeih asi cang. Chin miphun nih Yardenit hmun nan phanh ahcun va zoh in le thlacamnak va ngeih cio dingah kan sawm hna. A chung luh hlan kehlei, left side ah a um lai. Ruahchannak he. Thlaawr Bawihrin

Myanmar mi siangakchia 6,000 leng Mizoram ramkulh chung ah ca an cawng. India, Mizoram ramkulh hmunkip um cozah le private sianginn hna ah ca a cawngmi Myanmar rammi siangakchia 6,195 an si tiah ramkulh fimcawnnak lei vuanci nih a chim.

Siangakchia 5,221 cu cozah sianginn ah an kai i, siangakchia 186 cu cozah nih a bawmhmi sianginn ah an kai, cun siangakchia 790 cu private sianginn ah an kai hna tiah theih a si.

Mizoram ramkulh chung fimcawnnak lei department in director Dr.H Lal Tlang Lian nih ” Myanmar ram lei in a rami siangakchia tamdeuh cu Chin mi an si caah holh lei ah cun harnak tamtuk a um lo, Mizo he nunphun le zulhning tibantuk an i khah leng ah Mizo holh zong an holh kho” tiah a chim.

2021-2022 cacawn kum ah Myanmar rammi siangakchia minung 68 cu tanghra exam caah cazin ah telhchih an si tiah Lalthlangliana nih a chim.

Mizoram ah sianginn a rak kaimi Myanmar rammi hna chung ah chuekhat cu ralzaam chung in an si i, cheukhat cu ramchung sianginn an kai khawhlo caah nu le pa nih Mizoram ah sianginn kaiter mi zong an um, cun cheukhat ramri khuate lei ummi ngakchia hna cu Mizoram lei ah sianginn an kai hna tiah theih a si.

A tulio Mizoram university ah Institute of Chin Affairs (ICA) nih Mizoram mino hna caah Burmese language le social studies subjects diploma sianginn on ding in timhtuahnak an ngei tiah theih a si. Crd: TCP