Bawipa Ah Lawmh Zia Thiam Ko Hna U Sih

Dawtmi u le nau hna Jesuh nih, “Khuachia kha nan duh paoh in nan tei khawh hna caah vaa lawm hlah u, van ah nan min ttial a si cang caah i lawm deuh u,” tiah a kan ti. ( Luka 10 : 20 ). Cu a kan ti bantukin kei cu Liberal ka si ve lo caah hin Jesuh Khrih bia cu ka ngeih i zumhnak thawngin van ah ka min zong tial a si ve cang catu ah khan kaa lawm deuh.
Nihin tiang kan dohmi kan ralpa Satan MAH a ralkap pawl kan thah khawhmi hna ah hin aa lawm tuk cu ka si lem loh.

May be an image of 15 people, people standing and outdoors

Zeicatiah cun a duhthimnak kha a hman zia a thiam lo caah dantatnak zong kha aa huah ve te ko lai ee. Bawipa hrimhrim zong nih, “Keimah nih phu cu ka hlam lai, keimah nih ka cham lai,” tiah pei a kan ti ko cu. ( Hebru 10 : 30 {a} ).

Minung sinak in kan ralpa Satan MAH tei khawh ding hi cu a har bak rihmi zong a si. A fawi bak fawn loh. Hriamnam tha zong kan ngeih fawn loh. Asinain zumhnak thawngin le Bawipa i bochan bu tein nihin ni tiang kan cawlcanghnak zoh tikah cun theinak tete zong cu tampi kan hmu hna.

May be an image of 15 people, people standing and outdoors

Hi bantuk teinak kan hmuhmi hi Bawipa thawngin a si caah kanmah le kanmah hna maw i thangthat hrimhrim hlah u sih. Teinak a kan petu kan Pathian thangthatnak tu ah khan hman chinchin hna u sih. Zeitintiah mithmuh in si loin zumhnak in a kalmi kan si. Raltha ngaiin kan um i kan taksa inn hi kal tak i Bawipa inn i um tu kha kan duh deuh. Hika inn i kan um zongah, khika i kan um zongah, kan tumtahmi cu amah lungton kha a si. ( 2Korin 5 : 7 – 9 ).

Nang le kei nih nunnak pek bakin ral kan doh lioah hin kan i ruahchan bakmi cu kan thih zongah Bawipa Pathian sinah zungzal in ka um lai tihi a si. Amen. Cu lioah cun Dalan zong hi an rak um ve hawi. Cucaah kei cu Dalan pawl an tlaih khawh hna ti le an thah hna ti thawng ka theih bakah hin cun ka rak i lawm kho taktak. Zeicatiah Dalan pawl cu miphun le unau cungah zumhnak le dawtnak taktak a ngei lomi an si caah a si.

May be an image of 15 people, people standing and outdoors

Mah ca lawng a ruatmi le Pathian nakin vawlei thil rumnak le chawva mit a aumi an si caah a si. Judah Iscariot zong kha cucu bak cu a rak si ve caah a miphun le a unau taktak a simi Jesuh Khrih cu a leirawi bak ve ko. Cu bantukin leirawitu a simi Dalan pawl caah cun Khrih hmanh nih an nu paw chungin chuah loin rak um sehlaw an caah a tha deuh tiah a rak timi minung zong kha an si. ( Marka 14 : 21 ).

Cu nih a langhtermi cu Dalan hi cu Pathian sin zongah an phan lai loh ti kha a fian. Kan zumh an timi zong hi LIH zumhnak phunkhat a si caah hell bakah ah an kal kZumtu kan si ko caah kan tlah hna i nun kan cawnpiak hna a si ahcun an tha te ko lai tiah ruah caan a si hrimhrim lo hih. Jesuh hmanh nih thloh lo bakin, “Na tuah hngami cu tuah zokzok ko,” tiah a ti bak ko kha.

( Johan 13 : 27 ). Cu nih a langtermi cu Pathian nih kan duhthimnak hi a kan control loh tihi a si. Cucaah Dalam pawl cu an chungah thlarau thur nih rian a tuan taktak cang hna caah vawlei chawva mit a aumi an sinak in atu bantuk lio caan ahcun caan tha pek ding an si loh.

Lamkaltu Paul zong nih pei, “Nan thinhun buin ni tlakter hlah u. Khuachia cu caan rem pe hin hlah u,” tiah a kan ti kha. ( Efesa 4 : 27 ). Cu nih a langhtermi cu Dalan pawl hi an duhthimnak nih hell lam kha a rak hmunsak cangmi hna minung an rak si nakin caan tha kan pekmi hna nih kan thinhunnak kha ni nih a liamter sual lai tinak kha a si.

Cucaah cun dawtmi u le nau hna Bawipa ah lawmh zia thiam hna u sih. A thiam zong kan thiam taktak khawh nakhnga ding caah tiin kan tuahmi thil ah hin siseh kan tonmi thil ah hin siseh lungfim tein um hna u sih. Dalan ruangah Thantlang Khua zong a kang. Cu lawng si loin mi tampi zong an nunnak an liam cang.

Cucaah Bawipa bohcan bu tein le ralring tein khan um cio hna u sihlaw Bawipa nih a caan a za a kan ti tikah cun teinak taktak a kan pek ko lai. Zeicatiah cun kannih cu amah Pathian hrimhrim nih a duhmi a Fapa Jesuh Khrih a zummi kan sinak in kan cungah faknak a kan petu hna cu an cungah zongah khan Bawipa nih an tuah ning tuak in a cham ve te ko lai.

A ruang cu lamkaltu Paul zong nih, “Dar certhiam Alekzandar nih ka cungah fahnak tampi a ka pek; Bawipa nih a tuahning tuak in a cham te lai,” tiah a rak ti. ( 2Timote 2 : 14 ). Cucaah cun kannih zong Bawipa sinah khan vuivainak ngei lo tein Bawipa ah lawmh ziatu kha thiam ko hna u sih mu. Nan dihlak cungah Pathian nih lungdaihnak le hngangamnak taktak cu in pe ko hna seh. Thank You For All; Johnly Fambawl