Bangladesh ramchung hmunkip ah akihtuk ruangah athimi minung 50 an phan cang

Bangaldesh ramchung lumnak nihcun record thar serin atlakniam tuk ruangah 4.5 dergree celcius tiang atum tiah khuacan lei department nihcun an chim. Tutiang zongah Bangladesh ramchun ah cun akiktuk rih tiah theih asi.

November 1 in December 28 chung cazin ahcun khuacan kiktukmi celhloin minung 50 hna nihcun an nunnak an hloh tiah ngandamnak lei lutlai asimi Ayesha Akhter nihcun achim. Sizung chung zongah hin khuacan kiknak nih achuahpimi zawtnak tidat chambaunak, dengue, cuap phing tibantuk zawtnak hnain sizung kaimi cu an khat thup ko tiah achim.

Sifak inchungkhar abikin rianhrang tuantu hna nihcun hrukaih le puan an ngeihlo ruangah an tuar khun. Cun nghakchia hna le kum upa hna nihcun khuacan kiktukmi ruangah cuap phing zawtnak an ngeih hna tiah Ayesha Akhter nihcun achim.

Thlizil kiktukmi ahran ruangah le dapti hna tamlak tein an tlak ruangah khuacan kihnak nihcun nitlawmpal chung a awhrihlai tiah Banladesh khuacanlei nawlngeitu hna nihcun anrak thanh. Tuhrawng Bangladesh ramah khuadawm le dapti tamtuk in atlak ruangah vanlawng tum kalnak cancel nak le tlaiternak an ton peng tiah Reuters thawngzamhnak nihcun arak tar hi as.

Khuacan achiattuk lio le akiktuk lio can zawngah hin sifak inchungkhar hna nihcun Daka khuapi lampi cung ah rianhrang an tuan rih pengko tiah achim. “Keimah nihcun thimdingmi kangeilo, ka inchungkhar cawmnak dingah cun khuacan achiattuk zongcu zeirello in rian ka tuan hi asi. khualtlawng minung hnacu mithmuh khawhin an tlawmdeuh tuk cang.

A kiktuk ruangah mitampi hnacu in ah an ibenh” tiah Daka khuapi chungah Saihka (cycle kethum ngei) monghtu Abdur Rahim nihcun achim. Kan vawlei cung ngai hi aw sifak mi hna caahcun hmunhma ttha hi a um kho hrim hrim lo. A lum caan ah an thi, a kih tk caan an thi fawn, am thil tawnmi ruah ah hin zangfak taktak khi an si. Kan khua caan an tthat tilo caah kan umnak hmun cio ah ralringtein kan um a hau.

You cannot copy content of this page