Bangalore Ah Benjamin Sum Live Performance A Neih Nak +Video

Hlasak thiam Benjamin Sum nih “Muevate thlawk in lengla”tihmi hlasak i mipi nih an uar khawh ning cu a mak lawlaw bak khi asi. Benjamin Sum cu Zonet nih a tuah mi ah Thazual Award zong a rak ngah cang mi asi.

Benjamin nih dawh taktak in Bangalore ah hla a sak nak zoh cu lung ahmui kho tuk eh! Kawlram mi Mizoram kan unau hna sin ah mithmai ttha a kan hmuh piaktu mi pakhat asi. Bangalore Mizo kan unau hna nih an hei uar khawh ning cu a mak lawlaw bak khi a si.

Myanmar Idol Season 4 lio ah pahnih nak ngah tu Benjamin Sum nih “Chingmit in biahthu kan hlan” tihmi hla hmang in Best Male Artist Award zong a rak kan hmuh piak tu a si. Hi hla cu Youtube ah uplaod an tuah zarh khat hmanh a tlin hlan ah one million leng view tu a rak ngei.

Bangalore ah “Muevate thlawk in lengla” tihmi Benjamin Sum nih live perform a neih nak ah Mizo kan unau hna nih an hei uar khawh ning cu khuaruahhar lei khi a si. Vanlalsailoa ah nih love song a rak sak ka hrawng i arak lar bantuk bak kha a si.

Benjamin Sum nih a sak mi hla cu “Chingmit in biahthu kan hlan” tihmi hla a si i mah hla cu May 18/2021 ah Youtube ah Uplaod an tuah i thla nga nak ah View tu 3.5million an tling cang.

Minjamin Sum cu Mizo nungak pawl nih an uar khawh ning cu khuaruahhar lei khi asi. Cheukhat nihcun an kut bak ah a min lo kho ti lo ding bak in tat-too an suai ter. A tang ah hin Bangalore ah Benjamin Sum live perform a ngeih nak video ka thil chih rak zoh ve.

VIDEO

 

 

Leave a Reply

Your email address will not be published.