Athiciami ruak cu thawhter than atimh ruangah palik nih antlaihmi Pastor

Vawleicung miphun hitluk tam mi lakah hin zumhmi le zumhning zong tampi aum. Mahbantukin zumhnak tampi hnalakah hin mahle zumhmi lawng adikbik asitiah aruatmi zong kan tampi hna. Mahtlukin zumhnak tampi lakah hin biaknak ngeilo tiah theihmi zum kholomi zong an rak um lenve.

Amah ruahnak zumtu tiah an chimmi Thailand nu pakhat nihcun mithicia cu athlacamnak hmangin anung than laitiah azumh ruangah ruak pawngkamah thlacamnak can ahmanpeng tikah palik leinih an tlaih tiah theih asi.

Pastor tiah anchimmi Thailand nu pakhat nihcun mithi ruak pawngkamah thlacamnak angeih lenlioah cun palik pawlnih ahmunah va kalin chekhlatnak an vatuah tikah tlaihkhih atong tiah theih asi. Zeiruangah tiah cun thla acampiakmi miruak cu arim anam tukcang tikah inpa chakthlang hna nih tuarkho tiloin palik sinah an report ruangah asi.

Palik pawlnih anva cheklio ah hin mithi ruak pakhat cu nu pathum hna nih an rak cheklio kha hmuhkhawh asi. Thihnak atongtupa i anupi chimnak ahcun avapa cu cancer zawtnak angeimi asii khawzeihmanh ah tlawpbulnak tuahlo dingin chimh asinain aliamcia thlakhat hrawngah khan atlau tikah tubantukin athih hi kan theih tiah achim.

Pastor tiah an chimmi kum 60 minung Wang nihcun mah cancer zawtnak angeitupa cu amah nih athlopbul tikah adamnak kong le adam hnuah tikholhnak khan chungah atluk ruangah athihnak kong hna pinah arak nungthanlai timi zumhnak he tubantukin apawngkamah thla ka camnak asi tiah achim.

Tutiangah cun mah mipa cu zeitindah timile zeiruangah dah athih timi theih asirihlo ruangah zeibantukin dah dantatnak an tuahlai timi afiang rihlo. Kan vawlei thilkal ning ai dang chin lengmang bangin khuaruahhar thil zawng an chuak chin lengmang. Mah chung ah cun nalprophet pawl zawng an chuak chin thluahmah fawn.