Arsik hnacu hmape umlo bakin damter ningcang

Scientist hna nihcun arsik ahmape tanglo bak tiangin damter khawh ning thlopbul ningcang thar cu an hmuh khawh cang. Mah thlopbul ningcang incun arsik zualhma tukmi hna minung 5602 hna telhin minung 26773 hna sinah an rak hman chin cang tiah theih asi. Mah thopbul ningcu hmul cell hna cu sersiam hnuah arsik hna rak chuak tilo dingin rak kham ning cang asi.

National Institute of Health Research i Biomedical Research Center in Guys le St.Thomas hna nihcun ahlan ithlopbul ning nak cun tutan ithlopbul ning hin cun thatnak tampi a chuahpi deuh lai tiah an chim.
Mah research tuahnak ah hruaitu cu kum hra leng arsik hma thlopbul lei rian arak tuan cangtu pumsa dawhnak leiah mithiam professor Jonathan Barker asi.

“Tubantuk ithlah chin nak leihoih in ithlopbul ningcang hin cun kha hlanah kan rak thlopbul bal hnalo. Mah hi cu hmailei ah kar hlannak thar pakhat asi. Arsik ruangah a buai tawn mi hna hrangah cun mah ithlopbul ning cu a herhtukmi ithlopbul ning asi kho lai. Hmai ah hmape pakhat hmanh tanglo dingin cun tuante ah kan sin anrak panh kha a herhmi asi” tiah Jonathan Barker nihcun a chim.

Tuni tiangah an hman rih pengmi arsik ithlopbul ning cu isotretinoin si asii. Sihmanhsehlaw mah si hman ah cun a dang thil pawipangtuk mi (side effect) atam tuk mi phun asi tiah theih asi. Mah si hman tikah cun tihrol fahnak le vun ronak hna a chuak khawh pinah nau pawi hna hrang lebang ah cun nau tiangin an irawk khawh tiah theih asi.