Apawi tawn ko mu: Covid-19 zawtnak ruangah hitluk lungrethei I um lio ah Khrihfa mi 21 meithal in kah thih an si

Kan vawleicung thawngpang ngai hi aw ruah lengmang ah hin ngaihchia taktak khi kan si cang. Hi tluk coronavirus zawtnak ruangah vawleicung mipi lungrethei i kan um lio ah West African ram Mali Khrihfa minung 21 thah an si leng ah minung 5 cu an nung buin mei nih an duah thih hna tiah Christianpost nihcun a chim.

Kan vawleipi lungfimlo in a kan tuahtu coronavirus nihcun nikhat hnu nikhat in vawleicung mipi kan nunnak aka lak cuahmah lio ah West African, Nigerai, Brnue state, Guma i khrihfa minung 26 cu radical Fulani herdsmen hna nih zohchiah taktak in an thah hna.

Khrihfa mi minung 26 thah an sinak a ruang International Christian aid agency Barnabus Aid nih an chim ning ahcun ram kip in bomhnak an rak pekmi hna ruang ah a si tiah an chim. Nu cheukhat hna cu an tlaihhrem hna hnu ah zohchia taktak in an thah hna.

An ruak cu an dihlak tein hmunkhat teah vuinak an ngeih piak hna lai tiah theih a si. Hi tluk kan vawleipi coronavirus zawtnak ruangah lungrethei emem i kan um lio caan hna i kan khrihfa hawi minung hi zahzah thahnawn anrak tawnmi cu ruah ah lung a ttha hrimhrim lo. Thlazacamnak in biatak tein bomhchanh ah herh lio caan te an si caah kan umnak hmun cio in thlacam in bom cio hna usih.