An nunva kar ah bia-elnak a chuak i a vapa nih a thah i khampang ah ahrilh chap

Hi tluk kan vawleicung coronavirus nih akan buaiter lio le lungrethei i akan chiah lio ah lainawnnak thawngpang hna vun theih than lengmang hi a nuam lo taktak mi thawngpang a si. Mandalay ramthen, Tasimyone Phaza Nga-suh tihmi khuate ah nuva hna karlak ah bia-elnak fakpi a chuak i a vapa nih cun aupi cu fak taktak in a vuak.

Mah hnu ahcun April 26 nizan ah khan an nuva cun ramleng ah anchuak tthan i ram lak ahcun an nuva karlak ahcun bia-el nak achuak tthan i an vapa a thah hnuah khampang ah a ruak cu a hrilh tthan. Mah hna nuva hna cu Nay Tazaw Kyaw kum 29 le a nupi Tu Mah Dedi kum 28 hna an si.

Mah hna nuav an buai lio ahcun a farnu nih cun a va zuan hnawh hna i an bia-el cu an dai than. Mah hnu ahcun zanlei suimilam 3 tluk hrawng ah khin Nayteza Kyaw nihcun ram thingtlawm ka pu lai rakka zul tiah anupi cu a sawm i mah ti cun ram ahcun an kal tthan. Ram an va phanh hnu ah khin bia-el nak a chuak tthan i a vapa nih a thah hi a si.

A nupi cu a thah hnuah khin kham pang feet 20 tluk hrawng a sangnak ahkhin a ruak cu anam tlak. Zanlei ah khin Nayteza Kyaw lawng cu inn ah a rak ttin caah Mah Dedi cu arak tlun ve lo caah hringtu apa nihcun palik sin ah a va report. Palik nih ava pa cu an tlaih i bia an hal tik ahcun an nuva kar ah bia-el nak achuak ruang ah ka thah tiah a chim.

A ruak cu an va kawl i kham pang feet 20 tluk hrawng sangmi tang ahcun an va hmuh i palik nihcun Tasi pyine cozah sizung ah aruak check-upnak tuah ding in an chiah. Nayteza Kyaw cu lainawn case pohmah 302 hmang in ahmuh an phunh piak tiah theih a si. Nateza Kyaw hi khua chung zong ah mi he buaibai a hmang taktak mi a si tiah khua mi nih cun an chim.