Amecan Dollar 150 Billion Man Asimi Nupakhat Taklawng Zuk

Kum zabi 20 hrawng lioah Italy lemsuaithiam pa pakhat nih arak suaimi nu pakhat taklawng zuk cu New York khuapi ah lilamnak tuah dingin timhlamh asi hnuah American dollar in 150 billion hrawng hrang zong hmuhkhawh asi kho men tiah Sotheby tiah theihmi lilamnak tuahtu ding hnalei in ruahchannak an ngei tiah theih asi.

Mah zuklem cu hlanlio Italy lemsuaithiam pakhat arak simi Amedeo Modigliani nih 1917 kum lioah arak suaimi asi tiah theih asi. Mah lemsuaithiam minthang Italy pa cu kum 35 asilioah anunnak arak liam cang mi asi. Sotheby tiah theihmi lilam tuahtu ding phu hna nih cun mah zuklem cu May thla ni hleili ah lilam dingin tinhtuahnak an ngei i American dollar 150 billion tiang hmanh hmuhkhawh an iruahchan tiah theih asi.

Tutiangah lemsuaimi manfakbik in an hmuhnak zuklem cu Leonardo Da Vincy nih arak suaimi Salvator Mundi timi lemsuai asi. Mah lemsuaimi nih hin an hmuhmi phaisa cu American dollar in 450 billion tiang asi. Tutan an lilam dingmi zong nih hin phanhkhawh dawh asi rih lo. Minung kan duh phun le kan ngeih duh phun adan tuk hna ruangahhin khuaruah hartuk ding zong asilem lai lo.

Cheukhat hna nih cun phaisa ngeihmanh hnasehlaw an caw duh lem lailo nain cheukhat hna caah cun a sunglawi taktak mi a rak si ve hoi. Vawlei milar kan tihmi hna khi khuaruahhar ngai an rak sinak cu an hmanthlak te lawng hmanh mahtluk lawmman in amah a fak ko.