A thi colh lai timi dirhmun in cancer zawtnak cu zamlotein arak dohnak konglam achimtu Mi Mi Khay

Duh dawt tlak muisam hna le aw tungtlang thlum tukmi angeitu Mi Mi Khay cu tuni tiangah hlawhtlin nak nih azulh pengmi asi bantukin mitampi hna lungthin chung zongah hmun hman thukpiin alak rih theu lai dah ka ti. Mi Mi Khay nih hin a fale pahnih hna cu azoh khenh hna tiah theih asi.

Chungkhar thar dirhin Australia ramah an um cang tizong theih asi. Cun amah nih hin cancer zawtnak arak ngei ti zong theih asi. Sihmanhsehlaw naite ah khan amah social media cakuang chungin amah ah cun cancer cell hna an umtilo nak kong arak phuan.

Tuhrawng Mi Mi Khay cu kawlram ah rak tlungin Mi Mi Khay Solo Show tuah dingah timhtuah nak angei tiah theih asi. Mah bantuk puai tuah dingmi konglam he pehtlaiin interview an tuah nak ah cun cancer zawtnak arak ngeihnak konglam arak phuan pinah mah cancer zawtnak cu raltha tein arak dohnak konglam hnacu arak chim.

A ngandamlo hmanhsehlaw hlasak dingah cun thazang angeih nak kong lam le mah puai hrang zongah timhlamh nak arak ngeihnak kong hna cu achim. Cun Mi Mi Khay nih cun a cancer zawtnak he pehtlaiin kum 2017 ah khan zawtnak an hmuhchuah nak kong le mah zawtnak an hmuh lio ah hin a fa cu thla nga telawng asirih nak kong hna arak chim.

Pathian khamhnak thawngin tubantukin arak chuah nak kong le Show puai zongah cun arak tonmi hna piah ka duh tiah a chim. Amah puai cu January 11 zan ah asilai tiah theih asi. Mi Mi Khay thape tu hna hrangah cun mah bantuk a show puai kal donghnak zong asi kho cang. Aruang cu Mi Mi Khay nih mah bantuk puai tuah than dingah cun asi khawh tilonak konglam arak phuan.

Video

Leave a Reply

Your email address will not be published.