A Rauh Hlan Rasia A Sung Zau Nak Lai Fianter Tu Thil Pa- 8

Tu lio vawleipi nih a mit falai in a cuanh mi thawngpang cu Rasia le Ukraine i dohnak khi asi. Rasia nih a rak tukdoh hlan deuh ah khan zarh khat chung ahcun ka lak khawh lai ti tiang in arak chim. Si nain nihin tiang lak le tei cu chim lo a der lei tu a panh thluahmah ti u sihlaw kan palh lem lai lo.

Vawleicung media tampi nih mah hna ram hnih karlak dohnak ah hin Rasia cu a rauh hlan ah a sung zau cang lai nak kong an langhter lengmang mi hmuh khawh asi. A rauh hlan ah Rasia a sungh lainak ding ah afiang tertu tampi lak ah a chiat pariat in ka vung langhter la.

1. Ukraine nih West hna sin in hriamnam ttha tampi man lo bak in a dawn khawh peng. Hi hnu penlei zong ah ram tampi nih hriamnam ttha kuat an timh rih. Mah caah cun Rasia hriamnam nak in an neihmi hriamnam an ttha deuh cang.

2. Rasia lei nih Tank, APC, Helicopter le hriamnam dang ttha tam tuk an sung cang. Hriamnam an ngeih mi chim awk tlak ngai ngai an nei ti lo.

3. Ukraine lei nih Rasia ralkap an thah khawh mi minczain ttha tein an lak lengmang i nihin tiang ah 34000 reng lo an thah cang hna. Ukraine lei nih cun ralkap zei huaha an sungh mi a um lo.

4. Economic saction rungah Rasia economy hi a rauh hlan a rawk dih cikcek cang lai tiah media tampi nih an langhter.

5. Rasia nih ralkap officer 50 renglo a sung cang, cu hlei ah a ralkap raldoh a duh lo mi tampi an um rih tiah theih asi. Ralkap pawl an moral a tla thluahmah cang.

6. Rasia cu west pawl nih fak taktak in saction an tuah caah hriamnam thar ser chuah nak ding thilri a nei ti lo.

7. A biapi bik mi cu an President a ngandam nak a tthat ti lo caah sungh nak nih a naih thluahmah cang hna. Putin cu intelligent lei report ning ahcun a ngandam nak a ttha hrimhrim ti lo ti si.

8. Rasia an cawlcangh ning a ttha tuk tihmi hi media ah hmuh awk a um huaha ti lo. Ukraine cu nikhat hnu nikhat an cawlcangh ning zoh ah an tthawng chin lengmang.

Vawlei cung zumtu tampi nih thlaza an cam piak mi cu a nung kan Pathian a leh thluahmah cang hna caah a rauh hlan ah Ukraine nih Rasia cu a tei hrimhrim cang lai. A fiang ngai mi pakhat cu zarh khat chung i tei ai timhmi ni 100 lengkai hmanh a tei khawh ti lo mi hrim nih khin a fiang ter ngai ngai.