A Poi Tuk Ai Ee: Ralpel Khua Mi Pu Lal Kim ( Maruat Pa) An Ralzam Nak Thingsai Khua Ah A Nunnak Liam+VIDEO

Kan kawlram cu kan theih dih cio bang in ralhrang nih uknak an lak ruang ah chungkhar tampi cu mah inn le lo hmanh ah um ngam lo in Mizoram kan unau hna sin ah ralzam in an um cuahmah lio pi a si.

Min Aung Hlaing uico pa kut in kan luat nak si deuh ngha maw tiah Mizoram kan unau sin ah kan Chin mi minung tampi ralzam in an um i, cu an umnak ahcun kan hawi dawt cheu khat hna nih sianglo buin mual ankan liam tiah tihmi vun theih cu thinlung nih a celh hrim lo.

No description available.

Tuni october 23 zing ah khan Ralpel khua mi Pu Lal Kim ( Maruat Pa) kum 55 nih an ralzam nak Mizoram Thingsai khua ah thin Cancer zawtnak in mual a kan liam tak ruangmang. A mah hi a luancia mi kum ah khan a nupi Roding nih Thantlang khua an um lio ah a rak thih tak cang. An fale hi minung panga an si i, a upa bik Maruat hi a nule pa thih hlan ah a nunnak a rak liam cang fawn.

No description available.

Mah nak in cun lileng emem in caan saupi a um hnu ah van chiat ah Cancer zawtnak nih a tlunh i afale sin ah Thantlang ah a rak um i ralhrang nih uknak an lak i Thantlang khuapi minung heh tiah an zam ah khan Thingsai khua ah an rak zam pi ve a si.

A ruak cu Mizoram Thingsai YMA tawlrel pi nak in a chuahkehnak Ralpel Khua ah an tlunpi i tuzan lei muilai teah khan tlamtling tein Ralpel ZYA tawlrawlnak in tuzan lei suimilam 5:30pm ah khan an vui khawh tiah theih a si. Tuah hin hringtu an nu Pi Roding le Pu Lal Kim nih mual an liam tak cang hna caah an fale lawng an tang. kan umnak hmun cio in thlacam nak in bawm cio hna u sih.

No description available.

Minung cu mizei paoh hi a thi ding longte cu kan si ko nain ralzam nak hna i vun thih cu chungkhar caah tuar a har khun nak a si. Pu Lal Kim (Maruat Pa ) nih a tan tak mi a fale le hna le a chuahpi unau vialte nan ngaihchiat nak a nung kan biak mi kan Pathian nih in hnem ko hna seh.

Video Link