A nupi nih padang arak iduh lio bak cu ava poh hna video

Pakhat le pakhat karlak ah dawtnak a um ruangah i thitumh cio cu ava si konain hmun khat van um tak tak tikah le kan ziaza kan van itheih dih hnuah cun nupi le va pakhat lawng ngeih siannak kan ram minung tampi hna nihcun zuamnak fakpi an tawn tawn hna.

Sinain Pathian hmaiah le mipi hmaiah biakam nak tuahmi nihcun atlaih tawn hna. Vawlei cung asibangin cheukhat nu hna nihcun an vapa lawng izatilo in padang an iduh tawn hna tikah buainak tampi a chuahpi theu tawn. Nu lawng siloin pa zawng nih mahle nupi le um ko nabuin nudang aduhmi tampi an um ve theu tawn.

Tutan karak langhter dingmi video zong hi nu pakhat nihcun va angeih nabuin motor a ngeimi pakhat hnu ah dawiin motor chungah nuva sinak hman an timh liobakah a vapa nih motor cycle hmangin a dawi hna i ava hmuh hna nak asilai. Mah bantuk thil duhnung lo tukmi atongtu pa hrangah cun ningzak laki tahchuak asiko lai dah.

Midang nupi arak duhtu pa hrang zongah ningzak tak tak khi asilai pinah hremnak fakpi tiangin pek khawh asi hawi tikah lungretheih nak lawng lawng asilai. Tubantuk in kan rak tarchin nak zong mitampi nih hmu hna sehlaw va ngeicia nu pawl hna nih an vale kaltakin padang iduh a pawizia theih thiam hna seh ti duhnak in asi.

Zeibantuk hremnak dah pek an silai timi belte theih asirih lo. Nain mahbantuk tiang atuah duhtu misual hna cungah cun hremnak fakpi pek ding bak asi tiah nang na ruat maw. Mah bantuk thawngpang kan rak langhter mi nih hin hmailei kan nuva kar ah ralrinnak a kan petu thil ah cang hram ko seh. Atangah ah khin a video tawite um chih hmeh piak law naduh ahcun na zoh khawh lai.

Video

 

Leave a Reply

Your email address will not be published.