A Nun Lioah Ka Pa A Ti, A Thih Hnu Zongah Ka Pa A Ti Ko Tiah I Buai Ter Tuk Awk A Si Lo Hih

Moses Cu Pathian Nih Aa Samh Mi Ka Baan Ṭhawng In Nannih Cu Kan Khamh Hna Lai Tiah A Rak Ti Bang Jesuh Baan Kha Aa Samh. Pathian Nih Moses A Auh. Israelmi hna Izipth ram in chuahpitu dingah Bawipa nih Moses cu Israel mi cu na va thawh hna lai i, Keimah cu Bawipa ka si.

Izipt ram mi hna nih hramhram in an in ṭuanter mi hna rian in kan luat ter hna lai. An sal nan sinak chung in kan chuah hna lai. Ṭih a nungmi dantatnak tlunter awk ah (aa samhmi) (ka Baan ṭhawng) in nannih cu kan khamh hna lai a ti, Exodus 6:5.

Ruahchannak Bia Kong Ah. Maw Jerusalem tlangsang cungah khan kai law thawngṭha kha thanh tuah. Maw Zion Faakpi in au law thawngṭha kha thanh tuah. Au ko ṭih hlah. Judah ram khua hna kha nan Pathian cu a ra lio tiah chim hna. tiah Isaiah 40:9

Israel nangmah an sertu Bawipa nih tihin a ti. Na thinphang hlah kan huhphenh lai. Isaiah 43:1. Hremnak tang i a rak ummi Israel mi nih zeitik ah hme Pathian nih luatnak a kan pek te lai tihi an rak i ruah chan peng.

Voikhat cu, Emamaus Khua lei an kal pah ah Mi pahnih nih Jerusalem khua i thil cangmi kong an i ceih lio ah Jesuh nih a hun ton hna nain ho a si tiawk an hnga lo. Luka 24: 19 Cun anih nih, “Zei thil hen dah?” tiah a ti. “Nazareth khuami Jesuh cung i a tlungmi thil cu hen ta,” tiah an leh. “Hi pa cu profet a si i Pathian hmaiah mi vialte nih a chimmi le a tuahmi ah a ṭhawngmi a si, tiah an ruah.

20 Kan tlangbawi upa pawl le a kan uktu bawi hna nih thah awkah an chanh i cun vailam ah khan an khenh chih. 21 Kannih nih cun (amah cu Israel mi) hna a luat-tertu a si rua lai tiah kan rak i ruahchan. Cu pinah cun, cu thil a umnak hi atu hi a ni thumnak a si. 22 Kanmah lak i a ummi nu a cheukhat nih kan khuaruah an kan harter.

Zingkate ah thlan ah cun an va kal i 23 a si nain a ruak kha an hmu lo. An ra kir i vancungmi an i langh kha kan hmuh hna i cu hna nih cun, a nung, tiah an kan chimh, an ti. 24 Cun kanmah bu chungmi a cheukhat cu thlan ah cun an va kal i nu nih an chimningte khan an va hmuh, sihmanhsehlaw amah cu an hmu lo,” an ti.

25 Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah. 26 Messiah nih hi thil vialte kha a sunparnak chung i a luh hlanah a in awk a herh a si lo maw?” tiah a ti. 27 Cun Jesuh nih Cathiang chungah, Moses cauk hna thawk in profet hna ṭialmi cauk hna tiang, amah kong aa ṭialmi vialte kha fiang tein a chimh hna.

28 An kalnak ding khua cu an hei phan deng i cu tikah Jesuh nih cun hmailei i a kal rih lai bantuk khin aa umter; 29 Sihmanhsehlaw an tlaih i, “Kan sinah tlung ve ko, zanlei a si cang i a muih zong a mui dengmang cang,” an ti.

Cucaah anmah sinah cun a tlung. 30 Anmah sinah cabuai ah khan a ṭhu i changreu kha aa lak i thla a cam i changreu cu a beuh i a phawt hna. 31 An mit kha a hung fim i aho a si kha an hun hngalh; sihmanhsehlaw a lo ṭhan. 32 Annih nih cun, “Lampi i bia a kan ruah le Cathiang sullam a kan chimh ah khan kan chungah meikang bang a si lo mei kha?” tiah pakhat le pakhat cu an i ti.

Moses sinah Pathian nih aa samh mi ka baan ṭhawng in nannih cu kan khamh hnga lai a timi tlinnak caah Jesuh baan kha aa sam ko lo maw? zoh hmanh.

Moses kha a hung upat tikah Faraoh fanu fapa si a duhter lotu kha zumhnak a si. Sualnak chung i caan tawite chung i nuamhnak nak in Pathian mi hna sin i sifah in kha aa thim deuh. Messiah ruang i nihsawhnak in cu Izipt ram chawn hlawn vialte nak in a sung deuh ah a rel i cucu zeicadah a si tiah hmailei hmuh lai mi laksawng kha aa ruah chih caah a si. Hebru 11:24.

Biathlam 22:12 Jesuh nih, Mi kip ṭuan man pek awkah ka laksawng cu ka rak i put lai a timi kha Moses zong nih aa ruahchan ve. Moses a autu kha Pathian a si ko lo maw?. Cu Pathian cu Messiah a rak si diam ai. Cu Messiah cu Jesuh Kri Kha a si. Crd: F bawi khamh