A kengruh cunglei kiah ruangah kengkum dihtu pa cu kum 28 hnuah sibawile hlaipiaknak thawngin adir kho than cang

Kum tampi chung kengruh kiakmi ruangah alu cu a phei pahnih karlak ah arak chiah tawntu pa pakhat cu doctor hna nih tlamtling tein hlainak an tuahpiak khawh cang tiah theih asi. mitlamtling sinak he a tang rihmi anun chung cu ahman khawh canglai.

Mah pa amin cu Li Hua tiah theih asi i, kum 45 in a upa cangmi asi ti zong theih asi. Mah pa nihcun 1991 kum thok khan Ankylosing spondylitics timi zawtnak arak ngeih. Mahlio can ah cun tlangval note lawng arak sirih. A luanciami kum nga hrawng lebang ah khan cun a dirhmun achiat khat chin ruangah Li Hua nihcun nun hmanh arak zuam tilo tiah achim.

A khabe ruh le phei pahnih karlak an itonlonak cu 5 centimeter lawng lawng arak iduh cang ti tiangin a zual chin. Li Hua cu Tuluk ram chung Yongzhou ah khuasa mi asi. Kan hnungte ah khan Shezhen University General Hospital ah Professor Toa Huiren sinah arak izohter tiah theih asi.

Silei thiamnak hmangin a phun phun in Li Hua cu chekhlat asi hnuah hlai dingah ti arak si. Zaran keng ruh hlainak nakin hma fahnak le hliam hma zong 30% in arak tam deuh tiah theih asi. sinain vanthat ah Li Hua an hlainak cu tlamtling tein tuah khawh dih asi tiah theih asi.

Hlainak voili tiang an rak tuah tiah theih asi. Cun mah hlainak an tuahnak ah hin a kengruh cheukhat hnacu tanpiak an si. Tu ah cun Li Hua nihcun thla thum hnuah cun tlawmpal te te zaran minung hna bantukin arak cawlcang kho cang lai tiah theih asi.