A chanchung hnawm thianhtu rian atuannak in ahmuhmi phaisa vialte cu athih hlanah pekchanhnak arak tuah dihtu tarpa

Vawlei cungah hin mirum hna nakin mi sifak deuhmi hna chungin pekchanhnak tuahtu an tam deuh an rak timi hi hman dawh asi. Sifak santlailo hna nihcun an thazang hmangin an hlawhchuah mi phaisa tlawmpal te chungin pekchanhnak an tuah theu tawn.

Thailand ram ah tarpa pakhat nih sifak santlailo le harsatuk dirhmun in arak kawlmi phaisa vialte hnacu athih hlanah pekchanhnak arak ngei dih timi nih cu kan nih hrang cio zongah zohchunh awktlak tak khi asi. Mah tarpa cu a min ah Lob Puri tiah theih asi. Cun amah cu in ngeilo arak sifawn ti zong theih asi.

Lob Puri cu Thailand ram chungah minthang dawr pakhat asimi Seven Eleven dawr hmaiah zan chiartein ariak peng tawn. A hrangah cun eidin awk thil hna cu arak hartuk lo. A riantuanmi cu apawngkam lam hnacu thianh in ahmuhmi phaisa hna cu arak khon tawn tiah theih asi. A ihnak khan belte cu dawr hmai asi tiah theih asi.

Sinain athih laite can ah cun achungle hna cu akawh hna hnuah hartukin arak ikhon mi phaisa vialte cu an pathian temple ah pekchan dingin bawmh arak hal hna tiah theih asi. A rak ikhon mi phaisa hna zong cu tlawmpalte lawng asilo. Mah konglam cu Thailand ram minung nu pakhat nih amah facebook cahmai chungah arak tarlangh tikah karak tarchin hi asi. can pekin narak ka relpiak ruangah lawmhnak ka ngei.