Mizo hlaksakthiam cheukhat le Chin/Lai hlaksakthiam cheukhat i fonh in kan hnulei te ah an dirhmi Chinlung Chuak Artist nih an cover mi “We Are The World“ timi hla cu fabuary 2.2023 ah Youtube ah upload an tah i thla khat chungah a zohtu (2 million) an tling manh!
A rauh hlan ah nuai khat an tling lai! Reaction an tuahmi a zohtu zong an tlawm lo. Vawleicung ram zeimawzat in Youtuber 25 nih reaction an tuah cang i cheukhat a ṭap mi zong an um! Reaction tuahtu zong an karh ning khuruahhar lei khi asi. Comment petu hrim 6,1137 bak a phan manh.
March ni 16 tuni zing suimilam 6:30am – USA 9:00Pm ah 2 Million View Celebration Livestream tuah timh asi. Rak tloh bak hlah zoh khawhh hrim rark i zuam ve. kan Lai h hla,, mizo hla ahcun hi bantuk hi cu a um rih rua ka ti.
Chinlung Chuak Artist nih an cover mi ah phundang tete a um len! A bik in P. Thawng Bawi, Amtea, Henry Varte le Zoramchhani nih an sakmi ah a lang. Cun G’Nie, Honey Khuaitizu le Lian Lian nih Rap an sakmi hrim kha aa dawh i ngaih a nuam.
Cun Elena HT Par nih a thoknak ah Myanmar rambuai kong a chimmi nih Myanmar mipi kan dirhmun kha a zohtu vialte a theihter hna! Reaction tuahtu cheukhat nih cun hi hla a sa hmasatu Michael Jackson sakmi nak hmanh in an uar deuh nak kong an chim.
Chinlung Chuak Artist nih Aizawl ah tuahmi ChinTube People Choice Award 2022 nih a hrinmi a si i a dirhtu hna cu ChinTube ngeitu Rosie Bawi Tha Par, Dadeo Cer (P. Thawng Bawi nupi) le CZ Ralte an si.