March 5 Sunday ah Bangladesh Ram Cox’s Bazar ah a um mi Rohingya harsa umnak camp no.11 cu mei nih fakpi in a kang i, inn 2000 leng a lak dih.
Minung 10000 leng innlo ngei lo in an i chuah dih. Mei kangnak a ruang hi tu tiang an thei kho rih lo; ai khawngdeng mi minung cazin zong tu tiang thei khawh a si rih lo.
Camp chung ah a um mi Bali 35 le sianginn 21 hna zong hi meikangnak chung ah an i tel. Camp ah inn pakhat le pakhat an i neih tuk caah, mei nih a kang tik ah a lak mi a fawi tuk cang.
2021 January in 2022 December tiang camp chung ah mei 222 a kang i, hi chung ah 60 hrawng cu minung nih an khangh hramhram mi a si ti in Bangladesh cozah nih ca an chuah. Ref: BBC Burmese
Relchap- Karen Ramkulh, Hpapon Pengkomh Brigade 5 Hmunram Kahdohnak Ah SAC Ralkap 69 An Thi. Karen ramkulh, Hpapon pengkomh Brigade 5 hmunram i kahdohnak ah SAC ralkap 69 an thi i minung 49 nih hliamhma an tuar.
KNU lei in minung 2 an nunnak a liam i 3 nih hliamhma an tuar tiah KNU nih a thanhmi ah a langhter. Hpapon pengkomh ah SAC ralkap nih vanlei kahdohnak a tuah ruang ah thla khat chung ah tualchung mi 3 an nunnak a liam tiah theih a si.
Karen ramkulh, Hpapon pengkomh KNU Brigade 5 hmunhma February thla, thla khat chung ah SAC ralkap nih vanlei kahdohnak voi 7 a tuah caah tualchung mi 3 an nunnak a liam i 4 nih hliamhma an tuar tiah KNU nih March 6 ah a thanh. SAC ralkap nih van lei kahdohnak a tuah ruang ah tualchung mi hna an umnak inn 36 a rawk tiah theih a si.
Thla khat chung ah KNU kuttang um KNLA phufonh le SAC ralkap kar kahdohnak voi 178 a cang tiah an langhter. KNU hmunhma a cangmi kahdohnak kong he pehtlai in SAC ralkap lei nih cathanh a chuahmi a um lo.