A voi (10)nak KNU Chairman thimnak cu April thla dongh lai ah an tuah i, Padoh Saw Kwe Htoo Win nih teinak a hmuh, tiah KNU ramdang lei kong ṭuanvo ngeitu Padoh Saw Taw Ni nih a chim.
Padoh Saw Kwe Htoo Win cu KNU ah Vice Chairman a rak ṭuan balmi a si. Atu hi a voi (10)nak KNU Chairman ah mi tam deuh hnatlaknak in an thim.
KNU Chairman hlun Saw Mu Toe Se Hpu cu kum 90 a tling cang, a zawtnak aa zohter hnu ah KNU Chairman thimnak an tuah i a va kai ve ko nain an thim ti lo, tiah theih a si.
“KNU Chairman thimnak Conference ah a rak kai ve ko nain an thim ti lo. Padoh Saw Kwe Htoo Win cu Nyaunglaypin pengkomh Brigade 3 Chairman Padoh Saw Se Ke he vote an i tluk caah a voihnihnak thim ṭhannak kan tuah i Padoh Saw Kwe Htoo Win nih a tei,” tiah KNU ramdang lei kong ah ṭuanvo ngeitu nih cun a chim.