San Pyine, Tachileih district, Main Piat myone ah mawtaw Toyota Hiace pakhat cu tiva a tla sual i minung pathum a hmun ah an nunnak a liam colh i, minung 21 nih hliam hma an pu tiah theih asi.
Van chiat an tawn ning cu Main Piat myone Tacoh an tihmi khuate in mengtung 688 le 689 kar lam thlang tiva ah a break a tlaih manh ti lo caah a tla tiah theih asi.
Motor accident nak ruangah a thi mi hna cu pa pahnih le nu pakhat an si. Hlian tuar mi minung 21 hna lak ah hin pa minung 12 le nu 9 an si tiah theih an si.
Hliam hma a pu mi vialte hna cu Main Piat siizung ah an tlikpi dih hna i tuhi an zohkhenh cuahmah lio hna a si. Cheu khat cu dirhum chia ngai in a um pi zawng an um len tiah theih an si.