Commercial Drone cu biatak tein Raldohnak ah hman a si. Abik in Russia le Ukraine zong ah an hman. Hmasa ahcun, Commercial Drone in raldoh hi an rak itimhmi a si lo.
Hlanchan raldoh/ conventional Warfare hi hma a kal ti lo caah a si timi a fiang. Putin nih a rak iruah ning ahcun Ukraine hi 24 hours chung ah lak khawh dingin a rak iruah. Vanlawng in a rak kah hmasa i, vawlei ralkap in a luh hnawh.
Asinain Ukraine ralkap nih Russia military Convoy pawl cu lampi ah “ambush” an rak tuah peng hna i, hriamnam phawrtu, eidin phawrtu, le datsi phawrtu tbk vialte an hrawh piak peng hna caah an nam kho hna lo. Nihin tiang a lak khawh lonak a ruang cu Ukraine nih Russia ralkap thilri, an supply line tbk tamtuk an hrawh piak khawh hna caah a si.
Russia nih Conventional Warfare in hmai a nawr khawh lo tikah, Drone lei in aa mer. Iran sin ah Drone a cawk, Training teacher caah a hlan chih hna. Ukraine ralkap umnak cu Drone in a phawmh hna.
Ukraine lei zong nih biatak tein Drone an hman ve. Drone cu chawlehnak, Thilri phawrhnak tbk caah an sermi a si ko nain biatak tein tulio raldohnak ah an hman.
Chin miphun zong, Drone nih a kan thathnempi taktak. Cucaah, modern technology hmang in raldoh hi teinak a si lai timi cu nifatin kan relmi news nih a fianter cang. Naite CBCUSA, meeting zong ah mirang pa an sawmmi nih conventional warfare in raldoh cu tha a pe lo.
Meithal tampi cawk zong a hau lo, a ti. Modern technology tu in kan doh lai i, meithal cu kawl ralkap ta khi kan lak deuh lai a ti. Nan fing le nan tlang ka zoh tikah, lam fa tete, aa ngerhmi tete an si i, aa rem tuk, ti a si.
Ralkap khi direct in va kah le doh loin, an thihri/ an supply line cu rak chah piak peng cio ahcun, ethnic dang, PDF tbk cio zong nih cuticun an rak tuah cio ahcun, amah tein a tlu ko lai ti khi a si. Zasang Cinzah