Khuaruah Har News

Khuahruah har thawngpang relnak!

Hringtu A Nu Le Pa A Thah Hhnu Ah An Innpa Le Nih An Kan Report Sual Lai Tiah Minung 17 Bak A Thah Tu Pa

Kan cunglei cung ngai hi aw khuaruahhar taktak cu a si cang ko rua, aruang cu mah le hringtu nu le pa hmanh a tthat duhtu fale an tam tuk cang. China ram ah mipa pakhat nih a nu le pa a thah hnu ah khin an innpa le nih an kan report sual lai tiah minung 17 bak a tthah tthan hna.

China ram tthahnawnnak vialte lak ah cun a chia kha cem cu a si lai tiah an chim. Hringtu nu le pa thah lawng hmanh a fah ning chim khawh a si lo lio ah an innpa le bak minung 17 vun thah tthan ko cu ralhrang nak hmanh in a sual deuh ko lai dah! Mah bantuk in hringtu nu le pa a thattu a min cu Yang Qingpei tiah an auhmi pa a si.

Mah pa nih hin minung 19 bak a thah cang hna tiah theih a si. Tua tan hringtu a nu le pa a thahnak a ruang cu phaisa a hal hna i an pek duh lo caah a nu le pa cu an pahnih bak in a thah hnu ah an innpa le nih an kan hmuh caah an chim sual lai tiah an innpa le minung 17 bak a thajh dih hna i a si.

Mah pa nih cun an innpa le chungkhar paruk bak cu tu bantuk in a thah hna hi a si i, mah a thahmi hna lak ah hin kum 72 mi pakhat le hngakchia 4 an ni tel tiah theih a si. Mah bantuk in lai a nawn hnu ah cun Yang cu a zam i hna ngam ngai in Ku min khuapi ah cun rian a ttuan. Palik nih cun hlathlainak an vun tuah tik ah cun Yang nih a thahmi hna a si tihmi cu an theih cawlh i a rian ttuannak ah cun an va tlaih.

Yang Qingpei an tihmi pa cu 2017 July 18 ah khan lainawn case in bia an ciah piak i thihdan an pek tiah theih a si. Thidan an pek i an thah hlan ah azukhan nak voi tampi a tuah lengmang ko nain biacaih zunglei nih an letkhan duh lo tiah theih a si. China ram lainawnnak a chuakmi ah cun a chia kha cem cu a si ko lai tiah an ti mi a si.

Leave a Reply

Your email address will not be published. Required fields are marked *