Malaysia Um Mi Ralrin Tak Tak Nan Herh Cang, Daithlang In Rak Um Hrimhrim Hlah

Tulio kan vawleipi lunhrethei in akan chia dihtu Coronavirus zawtnak cu nikhat hnu nikhat in a karh chin lengmang caah Lockdown an phawih cang mi ram cheukhat hna cu a thar in Lockdown tuah tthan mi tete zawng an um tthan.

Covid-19 zawtnak a karh tthan caah Malaysia ram cu leng chuah tik ah Mask a hmang lo mi paoh cu Rm 1000 liamter ding tiah cozah nih order a chuah. Mask ai vuah ko nain tthi-ttha in an vuah duh lo mi pawl cu Rm 300 liamter an si lai.

Malaysia Cozah nih phung thar an ser mi a zul duh lo in a um mi hna palik nih an tlaih sual i phaisa liam awk an ngeih lo ahcun biacaih zung tiang kalpi cawlh an si lai tiah theih a si. Mah caahcun kan Lai mi Malaysia um mi hna ralring taktak in kan um aherh ti kha rak philh hrimhrim hlah.

Lai mi cheukhat cu kan umnak hmun poah ah hin chimh ngai lo mi kan tam tuk tawn. Mah caah cun kan umnak hmun cio ah kan mah le kan ti khawh tawk cio in i ralring zungzal ko hna u sih. Kan umnak cozah nih phung le phai an ser mi pawl kha ttha tein zulh khawh zawng i zuam cio ko hna u sih.

Covid-19 ruang ah rianttuan awk hman i hmuh khawh lo lio le ei awk din awk hmanh kan ngeih huaha lo lio ah Mask vuah a herhnak um lo ti phun hna i nai umter sual ahcun nangmah ca lawng hmanh si lo in kan caah rianttuantu kan pa, ka u le ningzak in an ko lai.

Mah caah cun ningzak in an um lo nak ding le phaisa cawi liam nih akan tlunh lo nak ding ahcun ralring taktak in kan um a herh. Malaysia ram cu tuchinni tiang ah Covid-19 kai mi zah cu 8,999 an phan cang i mah chung ahcun mi 125 an nunnak a liam cang tiah theih a si.