Russia Nih Caan Raulo Teah Covid-19 Vaccine An Ser Mi Biatak Tein An Hman Cang La

Russia nih October thla thawk in cun Covid-19 Vaccine tam taktak an ser cang lai nak kong cu an chimphuan. Tu i Russia nih an ser mi Vaccine cu test nak ttha tein an ngeih hnu ah hi bantuk in an rak chimphuan mi a si.

Russia nih an ser mi Vaccine cu October thla thawk in cun tam taktak in an ser cang lai nak kong cu Health Department i rianttuantu hna le cawnpiaktu hna hnakkarten hmaisat an si lai tiah Russia Health Minister Mikhail Murashko nihcun a chim i, Local News Agency hna nihcun an chimphuan cawlh.

Gamaleya institute nihcun Covid-19 Vaccine an test mi an hlawhtlin ruangah, Registration an buaipi cuahmah lio a si tiah Russia Health Minister nihcun a chim. Russia lawng hmanh silo in U.S nih an ser mi Covid-19 Vaccine zawng a ralai mi septembers thla ahcun kan hman khawh cang lai tiah an chim ve.

Nizan August 1 ah an chuah mi ahcun Russia ramah Covid-19 zawtnak akai thar case thar an hmuh mi hna mi 5462 an sii, an ram chung pumpi ah alar mi cu, 845443 an phan cang tiah theih a si.Kan theih dih cio bangin Covid-19 zawtnak ruang ah vawleing thil untu vailte ai thleng nawng dih tiah theih a si. Credit: The Standard Time Daily