U.S Nihcun Caan Rau Lo Teah Covid-19 Vaccine An Hman Khawh Cang Lai

U.S ram cu kan theih dih cio bangin vawleicung ram ah Covid-19 zawtnak kai an tam cemnak ram a si. Hmanh sehlaw U.S ram nih cun caan rauh lo teah Covid-19 Vaccine an hman khawh cang lainak kong cu expert Anthony Fauci nihcun friday nizan ah khan parliament member hna sinah a chim.

Dr. Anthony Fauci, director of the National Institute for Allergy and Infectious Diseasea Center, nih House Select Subcommittee on the Coronavirus Crisis hna sinah report a pek. Mah ti hin an sinah cun a chim; “Mizeihmanhnih testnak zohchunnak ngeih lo ahcun a him taktak maw taktak ko quarantee an pe kho lai lo, hmanh sehlaw ralring taktak in mah Vaccine hi thla rau lo teah kan hman khawh hrim lai tiah a chim.

Dr. Anthony Fauci nih Covid-19 vaccine cu tuah hin hneksaknak phase 3 kan neih cuahmah lio a si tiah a chim. Ramsa le minung tiangin hneksaknak kan neih cia mi ah hi vaccine cu kan lung a hmui taktak tiah achim fawn. U.S ah Covid-19 zawtnak June thla thawk in biatak tein a karh cuahmah lio caan ah hi bantuk thawngpang theih cu U.S mipi caah cun thawngpang ttha taktak a si.

John Hopkin Report nih alanghter ning ahcun U.S ram ah khin Covid-19 zawtnak kai minung 4,500,000 le a thi mi 150,000 an um cang tiah theih a si. U.S ram cu nikhat hnu nikhat in zawtnak karh ko hmanh sehlaw anung mi Pathian bomhnak thawng in caan rau lo teah Covid-19 vaccine an hman khawh cang lai caah khat te lei ahcun hna ngam ngai ngai an si. U.S nih biatak tein a hman khawh ahcun vawleicung pumpi caan rau lo teah an phan dih cawlh ko lai tihi mi tami zumh cio mi a si. Ref: V.O.A Burmese News