India Ram Le Kawlram Ramri Um Khua Pawl Ralrin Tak Tak I Um A Herh Lio Caan A Si

India ram le Kawlram ramri i um mi Kalay myo, Tamu, Rihkhawdar le khuate pawl ralring taktak i um a herh lio caan te a si. A ruang cu, tuah hin India ram cu Covid-19 zawtnak kai mi an karh cemnak ram a si cang tiah thawngzamhtu cheukhat nihcun an langhter.

India ram nizan July 31.7.2020 friday ah khan nikhat chung lawng bak ah zawtnak kar thar minung 55078 bak an phan. India ram cu tuah hin Covid-19 zawtnak ngei mi dihlak cu 1.64 million an phan cang. Mah caah cun India ram ramri a si mi kawlram mi caahcun ralrin a herh taktak lio caan a si.

Nizan ah khan India cu nikhat chung ah Covid-19 in a thi mi 779 an um tiah theih a si. India ram chung ah Covid-19 zawtnak ruang ah a thi mi an dihlak in minung 35747 an phan cang. India ram cozah nihcun nikhat ah Covid-19 test minung ting 10 kan ngei lai tiah an tihmi cu nikhat ah ting 6 lawng an test khawh.

 

 

 

 

 

 

 

 

 

 

 

 

Mah vial hmanh ah mah zahzah zawtnak an hmuh ahcun ting 10 hna hawi test kho hna sehlaw minung zeizah remruam nih dah zawtnak an hei neih ka tihmi cu ruah khawh a si. Biatak tein US ram bantuk in testnak nei kho sehlaw India ram cu vawleicung ah a kai tam bik ram pakhat nak a si kho mi an si.

Mah caah dawtmi miphun hawi hna cu hlan nak in kan i ralrin khawhnak ding ah ka rak langhter mi a si. A hlei cein India ram le kawlram ramri khua ummi chinchin cu ralrin taktak a herh lio caan a si. Dai thlang hna i kan um sual ahcun cu hlan vialte kan ni ralrinnak cu pakpalawng ah ai cang dih lo nak ding ah ralring taktak in um khawh i zuam cio hna u sih.