Zu Dawr An Khar Ruang Ah Sinatizer (Kut ttawlnak) An Ding I Mi 10 An Nunnak A Liam

Thla 6 chung hrawng kan vawleipi lungfimlo in akan tuahtu Covid-19 ruang ah vawleicung ah minung ting 160 reng lo zawtnak an kai cang i, mi ting 66000 an nunnak a liam cang. Vawleicung ram tampi nih Covid-19 dohnak sii ai cu an ser cuahmah ko nain tuchunni tiang 100% bak in zumhawktlak mi cu an ser kho rih lo.

Covid-19 zawtnak cu nikhat hnu nikhat in vawleicung ram tampi a karh cuahmah bantuk in Lai mi Rifugee tampi an umnak India ram zawng vawleicung ram ah Covid-19 zawtnak kai tam cem nak pathum dirhmun tiang an phan ve cang. Indian ram cu zu dawr dawr dangdang tete biatak tein i an vun awn hnu ah alet bak in zawtnak a karh.

Mah caah cun India ram hmun cheukhat ahcun athar bak in Lockdown tiang an tuah tthan lawng hmanh si lo in zu dawr tampi an kharter an si caah zu ding pawl nih kutttawlnak ( Sinatizer) an ding ruang ah minung 10 an nunnak a liam cang tiah palik nihcun an chim.

India ram cu nikhat hnu nikhat in zawtnak a karh chin lengmang caah thla khat hnih Lockdown an dawrh deuh hnu in minung 1.64 million bak zawtnak an kai manh tiah theih a si. Tuah hin Andhrapardesh state ahcun mithi an karh ning cu ttihnung taktak khi a si.

India ram state cheukhat ahcun zu dawr an khar tthan caah zu lo in a um kho ti lo mi hna nih kuttawlnak (Sinatizer) an ding ruang ah minung pahra bak an nunnak a liam tiah theih a si. A luancia mi suimilam 24 chung lawng bak ah India ram chungah minung 55078 bak zawtnak kar thar an hmuh i minung 779 an nunnak a liam tiah theih a si. Source: CNA