CNLD Supporter Salai Pa Thawng

Biapeh: Caa ka chimh hna lio cu ka chimh chih hna lo ee. Chinism le National Politic Spirit nih Kan nih pahnih thinlung ah Damascus Hauka i Ceu Nak btk nih a kan kah ve ko hen cu! Chimh lo le rel loin ka um khawh hrim hrim lo.

NLD nih No Than Kap an ttihning a langhnak cu No Than Kap aa zuam lonak hmunhma tiangah No Than Kap vote na pek a si an ti cang. CNLD kan ttanh i vote kan pek hi No Than Kap, Zo Zam le Ngai Sak kan ttanh hna a silo kan miphun kan dawt i kan ttanh caah a takin kan Chin miphun minin kan dir a si deuh. NLD ah vote na thlak khi Suh Kyi caah na thlak lo.

Nain No Than Kap zei tlukin NLD pawl nih an ttih i Independent le mi cheukhat nih CNLD that lonak le lihbia an puhnak khi an ttih hna caah an sual kawl in ttang an lak. Santlai lo Chinram tiin santlai mi Kawl Party fuh cu zumhtlak lo zuangzam nun a si.

A ngan le a tthawng deuh le min ngei cia lawngah i kop si loin santlai lo le a hme i a tthawng lomi tthawnter hi pasal rian a si deuh. Laimi le Laimi kan i velh i Kawlpa bel cu kan ttih bantukin Laimi cu nan nek ngai i Kawl Party tu ah nan i benh.

CNLD a caan a cu rih lo nan ti lengmang, zei tikah a caan cu a cut kun lai? Ziah mah kutke tein dir a za cang lo maw? Kan ram tuanbia kan zoh ahcun Kawl uknak loin pei kanmah tein a rak i ukmi kan si ko tung. Ziah tu ah Kawl nih an kan uk lo ahcun tiah anmah Kawl cu kan bochan hna? Kanmah le kanmah aa bochan mi kan si a hau.

Kanmah kutke tein dir dingin kanmah le kanmah kan sualnak kawl loin ttan tti caan a si cang cu ta.
A tthawng mi sinah va ttang lengmang hlah a der mi na miphun a simi tthawnter tu i zuam. A dang Rakhine, Kaya te hna khi zoh hmanh uh kanmah tein aa uk kho le aa tawlrel kho kan si t’ fiang tein an theih caah anmah kutke in dirh an i timh cang khi.

Miphun ttanhmi hna sinah NLD an i cuh ngam ttunglo. Nain ttanhmi cu um phung si ko nain san a tlai maw tlai lo maw na Nu a simi cu na dawt in santlai ah na canter cu a fa na rian a si. Tukum cu CNLD nih Chin Miphun kan hruai sehlaw NLD nih cunglei CEC kan nawl ta lai an ti i an nawl ngam hna lo i rampi budget hna in party zung sak le eihmuar le ziknawh vialte a tlau lai.

Chinram ah NLD cu anmah nih nawl an ngeilo caah cunglei Kawl hruaitu pawl sinah than a hau i indirect riantuan a si nain Chin mi cu cunglei hal ta um loin direct in riantuan a si lai. Chin Party pathum a rak si lioah i fonh hna sehlaw kan ttanh ngam cio ko lai ti si kaw an i fonh i ttanh cu chim lo soisel le luthum ti a si tthan. Organization a nganmi ah cun Chairman le Vice 1 & 2 hna le Secretary le

Assistant Secretary 1&2 pawl an tampi. Kawlram zong President,Vice President 1&2 an si ve ko.
A chang chang in riantuan a si ko. Tutan thimnak cu midang bochan si loin kanmah tein aa uk kho le nawlngei kho kan si i kanmah kutke in a dir kho kan sinak kha fiang tein langhter cang hna u sih. Na Miphun Sinak naa hngalh ko ahcun na miphun nakin midang cu na ttanh deuh lem lai lo. Credit: Saya Rung Kaw