Minta Thiha Tin Soe Nih A Ka Tlaihhrem Tiah Tazacuai Tim Tu Nu Pahnih Hna Cu Thongthla Ding In Biakhiah Piak An Si

Zuksin le Video tazuksawng ah minthang Thiha Tin Soe su an sinum nutung pakhat nih lihle hrawkhrol in aka tlaihhrem tiah tazacuai a timtu Daw Khin Ma Myint cu kum 7 thongtla ding in le buaisa Daw Ngeo cu biacaih zung nih kum 5 thongtla ding in bia chahnak an tuah piak hna.

July 30, 2020 nizan ah khan Yangon khua Teinkankyun myone biacaih zung nih an pahnih tein lihle hrawkhrol in bia an chim ruang ah an mah tu kum 7, 5 thongtla dingin biakhiahnak tuah piak an si. An pahnih tein an sual man cu caan zeimaw zah hnu ah a kungcung ah arak tlung diam ko.

Sinum nu Daw Khin Ma Myint cu Teinkangkyun myone biacaih zung nih razatetkyi pohmah 211 hmang in micung ah fahnak pek timh ti ruang ah thong kum 2, razatetkyi upadi poahma 389 hmang in thong kum 5 a dihlak teah kum 7 thla dingin bia khiahnak tuah piak an si.

Mah hnu ah Puaisa Daw Ngeo cu razatetmyi poahma 389 hmang in kum 5 chung thongtla ding in biakhiahnak tuah piak a si. A luancia 2028 kum lio ah lemcang thiam Thiha Tin Soe le Daw Zin Ma Oo te inn ah Daw Khin Ma Myint cu sinum rian a ttuan lio ah Thiha Tin Soe nih aka tlaihhrem tiah tazacuai a rak timh hi a si.

Midang cung ah thil tha lo tuah kan tuahmi cu caan akal lengmang i um nak ding hmunhma ai hmuh lo caah rihle hrawkhrok a chimtu kan mah sin thiamthiam ah arak kir tthan tawn tiah anrak chim mi cu Daw Khin Ma Myint le Puaisa Daw Ngeo hna cung ah atak bak in a tlung, lihchim hi ttihnung taktak arak si.