Security Law Thar Zulh Duh Lo Ruangah Hong Kong Collage Sianghakchia Mi 4 Tlaih An Si

July 31.2020; China cozah nih Hong Kong caah a ser mi security law thar cu Hong Kong mipi le ram dang minung hna nih heh tiah an soisel cuahmah lio ah July 1 thawk in mah an ser mi Law thar cu China cozah nih hman hram an thawk.

Hi an ser mi Security law thar cu nizan July 30 ah khan Hong Kong collage sianghakchia minung pali nih an zulh duh lo ruang ah an tlaih hna tiah theih a si. Palik nih sianghakchia minung pali an tlaih mi hna cu pa pathum le nu pakhat an si.

Mah minung pali China palik nih an tlaih hna nak a ruang cu, social media ah cozah nih a sermi Law thar zulh an duh lo nak kong an ttial mi ruang ah a si. Mah minung pali hna nih social media in Hong Kong independence an hmuh khawhnak ding hawih deuh in an post ti ruang ah an tlaih mi a si tiah Hong Kong National Security Department suprintendent Li Kwai-wah nihcun a chim.

Hong Kong independent an hmuh khawhnak ding phu thar a dirh tu, Student Localism nihcun an mi tlaih mi hna lak ah hin hruaitu hlun a si mi Tony Chung kum 19 zawng ai tel chih tiah an chim. Palik nih an tlaih mi collage sianghakchia minung pali hna cu kum 16-21 karlak minung lawng te an si hna tiah theih an si.