India Nih Frane Sin In Ralfale A Cawk Le Cangka China Hronak Ah A Hman Cawlh

India nih Frane sin in Ralfale a cawk mi 5 akutcung a phanh le cangka a ralpa China hro nak ah a hman cawlh. India nih Frane sin in a cawk mi Rafale cu US dollare 9.4 billione man hrawng a si.

India nih Frane sin acawk mi Rafale cu ai uangthlar ngai nain China nihcun zei huaha ah a relpiak ruam lo. China nihcun India nih Frane sin a cawk mi Rafale nihcun China’s J-20 a tluk naisai lo tiah a hei ti hnawh men ko.

Chinese expert hna nih an chim ning ahcun Rafale tham cu third-plus generation fighter jet lawng a si tiah an ti, fourth generation J-20 atluk naisai lo tiah an chim. China nih hiti hin chim ko hmanh sehlaw India nih cun ai uangthlar ve caah China tlerhkhawnhnak ah a hman cawlh bak ve ko.

Zhang Xuefeng, Chinese military expert hna nih India nih air force hna nih SU-30 MKI fighter jets an ngeihmi nak in Rafale cu performance areas ahcun a ttha deuh ko nain fourth generation 1 lawng a si tiah an chim. One fourth of generation nihcun zeipipa khi an tuah khawh mi a um hlei lo tiah an chim fawn.

China le India hi biatak tein an pahnih karlak ah hin raldohnak chuak sual sehlaw zei deuh khi dah nang na zumh deuh mi si. India ngai ngai nihcun China cu a tei khawh na zum ve maw? Keimah zumhnak ahcun India nihcun China cu a teinak ding lam ka thei bak lo.

Kan hnung lei an buai nak hna kha hei ruat hmanh law India ralkaap nihcun China ralkaap cu raldoh chim le vuak hmanh ah an rak tei bak lo timi cu hmuh khawh a si. Tutan India nih Frane sin in a cawk mi Rafale hna hi China nih cun zeitesen ah a rel piak bak lo.