Kan Lai Nu Hlasak Thiam Pi Sung Tin Par Nih NLD Vote Pe Cio Ding A Ka Sawm

Kan Chin mi chung in hlasak thiam minung tampi kan chuak ve cang i, cu chug ahcun tuchunni tiang Lai miphun sin le kawl miphun hna sin ah a lar pengmi cu Pi Sung Tin Par hi a si. Pi Sung Tin Par cu kan theih bantuk in kawlram minung nihcun a nghakchia upa nih an theih dih mi minthang pakhat kan i ngeih mi nu pakhat asi.

 

Pi Sung Tin Par cu kan theih dih cio bangin a ruan cia mi Hakha puicimh zatlak anrak tawn lio caan zawng ah Helicopter bak in arak tlung i bomhnak tiang arak pe mi a si. Kawl miphun hna sin ah a caan tam u a hmang mi a si ko nain Lai mi/ Chin mi cung ah za ah za bak in dawtnak lungthin a ngei zungzal mi nu a si.

Myanmar Celebrity Tv nih 2020 kawlram election ngeihnak ding he pehtlai in le NLD ruahnak cheutu Daw Aung San Suu Kyi a hmuh ning interview an tuah i a chim mi cu NLD party Vote ka pek lai tiah achim, NLD hi vote pe cio ko hna u sih tiah sawmnak bia tiang a chim.

Pi Sung Tin Par nih Daw Aung San Suu Kyi hi kum 50 minung hrawng khi si rih sehlaw ti khi ka duh tiah achim. Tuchunni tiang akan nun piakmi cung ah kaa lawm taktak, kum tampi a kan nun piak khawh nak lai fakpi in thlaza ka cam piak peng tiah a chim fawn.

Kan Lai nu hlasak thiam minthang Pi Sung Tin Par nih NLD partu cu a rak dirkamh bak ko tihmi cu a biachim in theih khawh a si. Nang zeitin na hmuh ning si ve, Pi Sung Tin Par nih a chim bang in NLD party vote pek hi kan Lai mi/ Chin mi ca zawngah a ttha ko tiah na ruat kho ve maw?

Video tihmi hi hmeh piak