Covid-19 Zawtnak Nih Thihnak Ttihnung Le Thil Ttha Lo Tampi A Chuahter Lak Ah Thil Ttha A Chuahpi Mi Tampi A Rak Um Ve

Tuhin kan vawleipi lungrethei le thinphang thlalau taktak in akan tuahtu Covid-19 nih thil tthalo tampi a chuahpi ko lio ah thilttha tampi arak chuahpi ve tihmi cu a tanglei ah khin a chiat pahra in ka cun langhter hna.

1. Hlawhhlang vialte nih hlawh an hlang kho ti lo. Hlawhhlang nih rian dang an kawl ve cang.

2. Pathian nih amah sunparnak caah amah he ailo in a kan sermi minung hna cu phaisa ruah ah ai that kho poh thah khawh I zuam nak puai vialte; One Champianship, Ultimate Fighting Championship (UFC), Glory Kick Boxing, World Boxing Championship (WBC) le adang sualdainak vialte cu maak dih asi.

3. Ram khat le ram khat ram i cuhnak le in entainak vialte a dong dih.

4. Nungak/tlangval itonnak (dating) phunphun tamtuk a zor cang.

5. Thlacam bal lomi nih thla an cam, thawngttha ngaih ai tim bal lomi nih thawngttha an ngeih. A sualnak ai chir duh bal lomi nih an sualnak an i chir cang.

6. Mipi nih an cozah le an rumnak an rak i bochan. Asinain atu cu Pathian an i bochan cang.

7. Chungkhar khat asi ko nain rian ruangah hmun khat ah a um kho lomi chungkhar hna nih hmunkhatte ah um tti khawhnak caan an ngeih. Bia an i ruah tti, hawikomhnak an ngei tti.

8. “Ka thi bal lai lo” tiah ai ruatmi hna nih vawlei nunnak cu mitthep ah a lo kho ti kha an ngalh i ralring tein an nung cang, ralring tein bia an chim cang.

9. Hlim/laam ttha lo vialte an tuah kho ti lo. Thlarau-i-rit vialte a tlau dih. An ri ngam ti lo. Cun, Bible i a um lo i Pathian nih a theihpi lomi, vawlei cung pumpi ah Laimi lak lawngah a um i Laimi lak zongah cawnnak reprap a ngei lomi lawng nih an hmanmi holhtheihlo hla sak i rock vialte zong a tlau dih ve. Cei hna seh (va tlau thai selaw a ttha).

10. An lih in bia an phuang ngam ti lo. A dik sual lai lo i kan mual a pho ve lai ti an phang cang ( va tlau thai seh). Credit: Aung Myint Thang