Daw Aung San Suu Kyi Nih Kut Bantuk ah A Hmanmi U Soe Win A Nunnak A Liam Ruang Mang

Suu Kyi nih kut bantuk in a hmanmi le bochan tukmi U Soe Win cu a thi tak ko. Khual a tlawnnak lampi ah thluak lei thahrih fahnak in July 25.2020 tuni zanlei suimilam 3:30pm a thi tiah theih a si. Daw Aung San Suh Kyi zohkhenh le kilvengtu U Soe Win cu tunaite ahkhan athi tiah Pi Siami nih a fb ah a taar.

Hawikawm naihniam deuh le Ramkhel a rianttuanpi hawi le nih U Soe Luh tiah an auh mi U Soe Win cu NLD ruahnak cheutu Daw Aung San Suu Kyi nih Democracy a khel thawkka in tuchunni Kawlram pi an hruai tiangin Daw Aung San Suu Kyi pawng teah a um zungzal mi le a kut pakhat bantuk ah an hman zungzal mi cu U Soe Win hi a si.

Democracy ramkhel rian a ttuannak ah Daw Aung San Suu Kyi vengtu ah a um zungzal mi pa a si. U Soe Win cu a khualtlawnnak lampi ah thluak thahrifah zawtnak ruang ah tu bantuk in ruah lo pi ah a nunnak a liam mi a si theih a si. U Soe Win ruak thlahnak cu thaizing July 26 ah tuah asi lai tiah theih a si.

U Soe Win nih ruah lo tuk in a thih tak hna ruang ah Amyotha democracy hruaitu hna le cozah lutlai tampi hna nih an ngaihchiatnak kawng cu social media ah anrak langhter. U Soe Win thih cu NLD party caahcun kut khat le tan bantuk thluk khi a si. Source: BBC Burmese