Yangon-Dawei Highway Lampi Ah khualtlawng Phurtu Bus Pakhat Ai Let Minung 2 Nunnak A Liam

Covid-19 zawtnak ruang ah vawleicung pumpi lungrethei i kan um lio ah accident nak thawngpang nih tu le tuin arak kan den lengmang m ruah ah hin cun lungrawk taktak a si. Tuni July 24 zinglei suimilam 3:00am hrawng ah Yangon in Dawei lei ah khualtlawng phurtu Bus pakhat cu ai thawh i mawtaw lam  anal tuk ruang ah lam sir ah ai let sual i minung 2 an nunnak a liam tiah theih a si.

Hmanlung cung ah khualtlawng a kal mi hna chungin minung pahnih an nunnak a liam leng ah mi 8 fakpi in hliamhma an pu tiah theih a si. Accident a tawngmi Hmanlung a min cu Suiliyadana tiah min an pek mi a si. Accident an tawnnak a ruang cu, driver nih mitku buin a mawngh ruang ah ruah lo pi ah lam a anal sual tik ah a break a tthing khawh ti lo caah accident an tawn nak a si.

A thi mi minung pahnih hna cu, Driver le a handiman an si tiah theih a si. Mah hmanlung cung ah ah ai cit mi khualtlawng mi cu an dihlak teah 11 an si i, mah chung ahcun minung pariat hliamhma an pu i mi pahnih an  nunnak a liam tiah theih a si. Hliamhma a pu mi hna lak ah hin kutke kiak mi zwng an um len tiah theih a si.

Mah hmanlung ah hin an dihlak teah minung 13 an cuang ko nain accidetnak an tawn hlan deuh ah minung pahnih cu an ttum manh tiah hliamhma a pu lo mi khualtlawng cheukhat nihcun an chim. Hliamhma pu mi 8 hna cu Ziphyu sizung ah ah an zohkhenh cuahmah lio a si tiah theih an si.