Chin National Party(CNP) chairman thar Pu Lal Maung Cung: Salai Lungthli Tum

Pu No Than Kap le Pu Ngaisak hruaimi party CNLD nih aa-naa hmang in uico thawl bang zohchia tuk in an thawl hnu ah Pu Lal Maung Cung cu Chin party pakhat a si vemi CNP ah a lut cang.

CNP nih Chiram chairman rian zong an pek chih fawn. Amah nih MP caah candidate thim khawhnak le kawl khawhnak nawl a ngei lai. Thantlang peng Pyine No 1 candidate ca zong ah PU LMC cu CNP nih an fehter cang.

CNP hi an dirhnak a sau pah cang, nain an hruaitu cheukhat cu CNLD he an i fonh i a tangmi cheukhat nih CNP cu an hruai. Atu cu Pu LMC nih a dirhkamh hna lai caah Thantlang peng ah cun thawn pah te dawh an si.

News dang relchap: Australia Thawngpang Cu Nikhat Hnu Nikhat In A Chia Chin Lengmang Lungrawk Tak Tak A Si

Thatlei kan panh deuh hnga maw ti lio ah a karhlei nih an kan nenh chin ziahmah. Nikhat hnu nikhat in a karhlei ah kan kal than. Nihin hi zawtnak a ngeimi nikhat chungah an tamcem NI asi.

1. Zahan suimilam 24 chungah Victoria Pengkulh chungah Minung 428 sinah hmuhthan a si e.

2. Minung 370 hi khoika in dah tiah hlathlai cuahmah lio

3. Testing Site zong hmunkip ah kan zuam lai

4. Mahhi zawtnak i chawnh khawh asi ko lai e (commonsense) tiah kan ruahmi kha ka zulh ding ah ser khawh cio I zuam ding

5. Hmur-huh hi mah tein inn ah i ser khawh zong zuam hram ko uh. Mahte tuah khawhmi an si.

6. Minung 3 (kum 70 pakhat, kum 80 pahnih) an thi chap than

7. Nihnih chungah VIC state chungah ngandamnak lei ah riantuanmi hi 36 zawtnak an ngei. Minung 150 renglo hi ngandamnak lei riantuanmi hi zawtnak an ngei ti si. Rengh deuh dingah chap dingmi hi zeibantuk tiang dah a si lai?

Mahhi zawtnak a karhlo dingah ṭuanvo ngeitu (Epidemiology) nih an ti ning zulh hau ding asi ko. Mah timhlamhnak dingah tuah ding tete hi a tampi.

Riantuannak hmunhma tete zong zohchap than a hau kho men ko. Kan chimcia bang, cabuai cungah zeipoah timhcia tein a um ko. Mah restrictions hi cu mizapi te nan cungah aa hngatmi asi ko. COVID-19 nih rian a hnursuanmi

Australia ahhin University Sector ah staff 70% cu an caan hman in tuan awk a um lo ding kha ruah asi (ABC news, 2020).

Kum 23 hnu ah mino pawl kum ( 19-24) pawl hi rian ngei lo in an um a tam cem a phan. Unemployment hi 16.4% a phan. Hi nih a langhter pahmi cu experience ngei loin rian luh kha a har deuh lai ti nak a si (ABS,2020).

Siaherhnak he,

ACCEM.

Chirhchan;

Andrews, D., Mikakos, J., Sutton, B., 2020. ‘“ Latest press conferrence : COVID 19 update in Victoria State.” July 17,2020