R.I.P: Nghakchia Titla A Chanh Nak Ah Pa Tung Pakhat Cu A Nunnak A Liam

Date 5 July 2020 zinglei suimilam 6:00am ah Pu Lalnghetliana Tiaulian khua mi cu nghakchia titla ka chanh a tinak ah amah tu a tla sual i anunnak a liam. Hi bantuk thil cangmi cu July 5 zinglei suimilam 6:00am ah a sii, Tiaulian khua (Manipur) Tuiruang kamah um mi Pu Lalnghetliana nihcun Tiaulian tiva tilawng chung ah ti ai dilmi va theh dingin a fial mi Sangpuii kum 6 mi ruah lo pi ah khin tisor nih arak i a tla.

Sangpuii tisor nih alak i a tlak lio cu Pu Lalnghetliana nihcun arak hmuh i vachanh dingin a tiva lei panh in cun a tli i Sangpuii cu tiva kap ah chuah i thihnak chungin a luat, Hmanh sehlaw a chanhtu Pu Lalnghetliana cu Tisor nihcun arak lak i a nunnak a liam. Nghakchia nute Sangpuii ka chanh a ti nak a mah tu anunnak a liam.

Pu Lalnghetliana ruak cu an kawl lengmang hnuah suimilam 10:00am ah khan a ruak in an char. Pu Lalnghetliana ruak cu July 5 ah Tiaulian thlanmualah an vui cawlh tiah theih a si. Ti ah a paam mi Pu Lalnghetliana cu fa pahnih a ngei i, tuah hin anupi nih nau apawi lio tiah theih a si. Pu Lalnghetliana nih a thihtak mi anupi fale Bawipa nih nan ngaihchiatnak in hnem ko hna seh.