Kawlram Lem Cang Thiam May Than Nu Thong In A Chuak

Mi phaisa hlen ruang thong kum 1 thla dingin biakhiahnak an tuahpiak mi Academy May Than Nu cu tuni July 1 ah Insein thong in chuahter a si nak kong cu Director Zin Zaw Mg Mg he aa naihniam ngai mi pakhat nih BBC sin ah a chim.

Director Zin Zaw Mg Mg zawng nih Mintami May Than Nu Insein thong in chuah a si nak kong cu a facebook timeline ah arak ttial ve. Mintami May Than Nu cu Daw San San Myint nih taih-khaan cawknak ah kyat ting 400 aka hlen tiah Yangon Myone biacaih zung ah 2016 kum ah khan tazacuai arak cuai.

Mah tazacuai nak kong he pehtlai in kap hnih tehte mi 13 hna cu biahalnak an tuah dih hna hnu ah tu kum January 2 ah khan razatetkyi pohmah 420 hmang in thong kum khat tla ding in bia chahnak rak tuah piak a si.

Mintami May Than Nu tuni July 1 ah Insein thong in a chuak timi thawngpang cu a za ah za a hman bak ko lai ti zumh umnak cu BBC nih hin thawngpang hman lo hi an post lem bal lo. Mah lawng hmanh si lo in Zin Zaw Mg Mg zawng nih a facebook timeline bak mipi hmuh khawh dingin a rak ttial ve fawn.