British Ram Cu Covid-19 Zawtnak A Karh Tuk Caah Las Vegas Myo Cu Lockdown An Tuah Tthan

British ram cu nai hrawng in Covid-19 zawtnak a karh tuk caah Las Vegas Myo ah a um mi sianginn, hotel, le dawr vialte cu nawl ngeitu hna nih khar tthan ding in june 29 ah order an chuah tthan. Thla thum chung Lockdown an tuah hnuah tlawmpal ah vun thlahdorh deih sual i zawtnak tam tuk a karh tthan caah Las Vegas myo cu a rannak in Lockdown tuahter than an si tiah health minister Matt Hancock nihcun a chim.

British ram cu Covid-19 kai mi an zor ngai ngai an tih lio ah Las Vegas khuapi ah zawtnak tam tuk nih an ngeih tthan caah June 1 in an rak awnter mi dawr, siangin hna cu a rannak in charter tthan dih an si. July 4 ah kan awn cang lai tiah an timi Las Vegas khuapi Baar, zudawr vialte zawng awng rihlo ding in theihter tthan an si.

July 4 thawk in zalawng tein dawr vialte ka awn dih cang lai tiah timhtuahnak anrak ngeihmi vialte hna cu awng rih lo ding in theihter an si nak kong cu Matt Hancock an tihmi pa nihcun a chim. An ni ruah lo ning in thil a kal tthan caah British ram cu lungrawk taktak in an um tiah theih an si.

British ah Covid-19 case dihlak cu 312654 an sii, a thi mi dihlak ah mi 43730 an phan cang tiah theih a si. British ram cu Europe ram chung ah Covid-19 zawtnak a tam cemnak le a thi mi an tam cemnak ram pakhat a si. Mah ruang ahcun Las Vegas khuapi cu July 4 ah dawr vialte awn an timhmi hmanh cu awng lo ding in ralrin pek dih tthan an si.

Kan vawleicung mipi a fim he a hrut he akan buaiter dihtu Covid-19 zawtnak nih hin zeitik ah khin dah kaltak a kan timh ngha lung rawk taktak khi kan si cang. British lawng hmanh si lo in US, China, India zawng ah zawtnak nikhat hnu nikhat in an karh chin thluahmah ruang ah lungrethei taktak in um dih cio a si.