A Tu Nu (Granddaughter) Le Pathum A Mit Hmuh Nghan Bak Ah An Tlaihhrem Ruang Lungrawk In A Nunnak A Liam

Kan vawleicung thawngpang ngai hi aw ruah lengmang ah hin lungrawk taktak cu a si. Covid-19 pulrai ruang i hitluk lungretheih lio ah thawngpang chiakhat taktak theih awk le hmuh awk a um lengmang mi ruah ah hin cun ngaihchia taktak a si.

South Aferica ram ah kum 71 tar nu pakhat cu a dawt tukmi a tu nu (Granddaughter) pathum cu a mit hmuh nghan bak ah misual pakhat nih luthnawh in a tlaihhrem hna ruang ah lung rawk in a nunnak a liam tiah theih a si.

South Aferica ram Kwa Zulu-Natal pyine ah kum 71 tar nu pakhat umnak inn chung ah mizei ti theih lo hmaituam mi pakhat cu va lut a tu nu le kum 19, 22, 25 hna cu ihnak khan chung ah tawh hrenkanh in a mithmuh nghan bak ah an pathum ning cun pakhat hnu pakhat in a tlaihhrem.

A tu nu le pathum  amithmuh nghan bak ah tlaihhrem an vun si tihmi a vun hmuh cu lungrawk in a tlu i a nunnak a liam tiah a tu nu pakhat nihcun a chim. Ruah tuk in a dawt tukmi a tu nu le an pathum a tlaihhrem lio a hmuh cu midang  bomh hal ding hmanh ruat kho lo in lungrawk in a nunnak a liam nak a si.

Mah bantuk thil cang mi cu thawng latu mipakhat nih a theih le cang ka pyine palik biachim nak nawl ngeitu Nqobile Gwala nih cun a chim. Hi bantuk thil cang mi cu, aluan cia mi thla 2 ah arak cang mi a sii, South Aferica palik nih mithu tu an theih kawhnak ding ah hlathlai nak antuah cuahmah lio a si.

Kwazulu-Natal Social Development Council ah biachimnak nawltu Nonhlanhla Khoza an tihmi pa nih tlaihhrem le thah tiang a chuahtertu an karh chin lengmang ruang ah sualnak tuahtu minung hna hi zeibantuk thawngzamh tu nan si zawng ah kan theih khawhnak lai kan bawmchan hram ko uh tiah bomhhal nak bia cu a chim. Source: Daily Mail