Epidemics Pulrai Zawtnak He Ai Khat Mi China Ram Vok Ah Hmuh Tthan A Si

Covid-19 zawtnak nih vawleicung pumpi lungrethei in akan tuah cuahmah lio ah China ram Vok ah Epidemics pulrai zawtnak he aikhat ngai mi zawtnak hmuh tthan a si. Tu tiang ahcun minung he i chonh khawh a si maw si lo tihmi cu hlathlainak an tuah cuahmah lio a si.

China ram Vok ah an hmuh mi zawtnak cu Epidemics pulrai zawtnak he pehtlaihnak a ngei kho tiah Researchers pawl nih an hmuh nak kawng cu June 29 ah khan American Science Journal Proceedings of the National Academy of Sciences (PNAS) ah langhter a si.

G4 tiah min an pekmi (swine flu) hi 2009 kum lioah khan pulrai zawtnak a chuahter kho tu H1N1 zawtnak he cun ai dang tiah an chim. Swine flu virus thar an hmuh mi cu minung he I chonh khawh mi zawtnak a si nak kawng cu Siences pawl nih an ttial mi China collage hna le China ram I (Center for Disease Control and Prevention) ah mifim pawl nih an chim.

2011 in 2018 kum chung ah khan China ram sathahnak zung hna le saram siizung pakhat hna ahcun Vok 30,000 nak tam deuh cu check hlatnak an tuah nak ah Swine flu virus zawtnak 179 hna cu an dang cio in ttehhmal an si. Mah zawtnak an hmuh mi chung in a tam deuh cu 2016 kum lio I an rak hmuhmi swine flu virus phun khat a si tiah an chim.

Sciences mifim thiam hna nihcun cu an hmuh mi virus hna cu rul hna le ramsa dang dang ah test nak an tuah. Rul in an test mi hna cu minung ah Fever, Cumpi, hritlang zawtnak achuahter khawh tiah an chim. Hi virus thar an hmuh mi G4 cu minung ah I chonh sual lai ttihnung taktak a si tiah an chim.

Mah zawtnak nih hin fawi tein minung ah chonh khawh mi zawtnak achuahter khotu a si caah siences mifim pawl cu lungrethei taktak in an um nak a si. Mah bantuk zawtnak lak ah kan luat khawhnak ding ahcun Vok zuatnak lei riantuantu hna nih ralring taktak in kan um a herh tiah Scienes mifim pawl nihcun ralrin peknak bia tiang an chim.