Afghanistan Baazar Pakhat Ah Misual Pawl Nih Bomb An Puah Ruang Ah mi 23 Nunnak A Liam

June 29.2020: Afghanistan ram nitlak lei kam minung an tam taktak Baazar pakhat ah bomb a puak i minung 23 nak tlawm lo nunnak a liam tiah theih a si. Hi bantuk thil cang mi cu Teliban raalhrang nih an tuahmi a si tiah an puh hna.

Afghanistan ram chung ah kum hra chung hrawng kahdohnak ngawl ding in Teliban le Afghanistan cozah pahnih karlak ah biacaih nak ngei ding in timh tuahnak an ngeih cuahmah lio ah hi bantuk thil a chuak tthan hi a si.

Haman state Sankin district chung ah um mi bazaar pakhat ah Teliban raalhrang bomb puah mi ruang ah minung 23 an thih leng ah mi 15 fak taktak in hliamhma an tuar tiah Afghanistan ralkaap bawi pakhat nih a chim.

Motor chung in bomb a puak hnu tlawmpal zinglei suimilam 9:00am hrawng ah khin bazaar chung hrawnghrang cu Rockets hmang in an kah hna tiah tiah theih a si. Hi bantuk kahdohnak a chuahtertu hna cu Teliban raalhrang nih an tuah mi a si ttiah theih a si.

Afghanistan ralkaap lei zawng nih Teliban raalhrang nih an tuahmi hrimhrim a si ko tiah an chim ve. Hi kahdohnak chuakmi ah hin Afghanistan ralkaap nih Teliban raalhrang minung pahnih an thah ve hna tiah Administrator’s Office nih an chim.