Kan Nupi Nih A Ka Zumh Lo Ruang Hi Dirphun Tiang Kan Phanhnak A Si Tiah A Chimtu Min Zar Yar

Kawlram mipi nih thazang an pek taktak mi tazuksawng pakhat a si mi Min Zar yar le a innchung nu cu tazacuai an si. N.Okala biacaihzung ah vawi 4 tiang biacaih an si cang. Min Zar Yar nih achim mi cu hi dirhmun tiang ka dirnak cu ka nupi nih aka zumhlo ruang ah a si taih a chim.

Min Zar Yar nih a chim tthan mi cu sinumnu acid nih a toih tihmi tham cu a nule pa nih phaisa tampi cawiliam ter anka duh ruang ah a si tiah a chim. Sinumnu te hringtu a nu le apute nih phaisa ting 100 kan lak hnu ah thong ah an thlak rih lai tiah an chim. An fanu cung ah thil tthan tampi kan tuahmi le kan bomhmi a um ko bu ah hi tiang tiang ruahnak an ngei lai tihmi hrim ka ruat lo tiah a chim.

Tuni Min Zar Yar le a nupi, anu pi pa minung pathum hna cu N.Okala myone Suipohkan palik sakhan nih pohmah 505, 324, 325, 352, 114 hmang in a hmuh phunh piak an si. Nizan tiang ah khan a vawi 4 nak tiang biacaih zung ah chuah a si cang ko nain zei hmanh biakhiahnak an tuah khawh hlei lo ruang ah June 25 ah khin avawi 5 nak biacaih ding in ching tthan an si.

Nizan June 11 tiang biacaih zung an chuahnak i Min Zar Yar biachim zoh tik ah pakhat te hmanh i ngahih chihnak le ka palh ko tinak a hmurka in a chuak bak rih lo. Sinumnu nih acid nih anka toih a tihmi hmanh cu phaisa an duh ruangah a nu le a pute nih a taw an sawh ruang ah a si taih a chim.

Mah lawng hmanh silo in Min Zar Yar nih a chim tthan rihmi cu kan sinumnu acid nih kan toih le toih lo cu tehte ding ah nu pakhat i tthit u law a taksa/ a pum cung ah acid toih nak hmape nan hmuh lai lo taih ral ttha taktak in a chim. June 25 ah vawi nga nak zung ching tthan an si i, mahni ah khin zei bantuk thawngpang dah chuak tthan lai tihmi lawng te nghah dih cio a si.

Video timi hi hmeh piak