Chihria A Kawng Cuahmah Mi Chungkhar Pakhat Cu Tek Nih A Tlak Hna I Mi 3 An Thi

Minchia myone Talinpin ah chungkhar pakhat hna cu chihria an kawng cuahmah lio ah khin tek nih atlak hna minung 5 a tlak hna i minung pathum an nunnak a liam tiah teih asi. Mah thil cangmi cu Minchian myone Miokyun khuate ah a cangmi a si.

Tektlak lio ah hin ruah zawng a sur lo, thli zawng a hrang lo tiah an chim. Kan theih dih cio bangin tektlak caan cu ruahpi le thlichia fakpi ahrang lio caan ah khin a si. Hmanh sehlaw tutan tektlak ning cu phundang ngai a si nak cu ruah zawng sur lo thli zanwg hrang lo bak in a tla khua mi pakhat nih a chim.

Mah hna chungkhar hi minung 5 an s ii, cu chung ahcun minung pathum an nunnak liam i, mipakhat fak ngai in hliamhma a pu tiah theih a si. A thi mi minung hna cu chungkhar nu cem le a fapa le pahnih hna an sii, hliamhma a pu mi cu an nghakchia cem a si.

An khua kam teah chihria an cinmi an kawng cuahmah lio chun nilin taktak lio ah a si. Tlek nih a tlak lio hna ah hin nia linh ning cu an chim kho lo, mah lio ah cun tek nihcun arak tlak hna hi a si. Vawleicung tuabia ah a um bal lo mi khuaruahhar thil pakhat a si.

A ruang cu tektlak lio caan ahcun ruahpi tam taktak in a sur leng ah thli zawng akpi in a hrang tawn ti cu zapi theih dih cio mi a si. Mah hna chungkhar tek nih a tlak hna ningcu chun nilin lio caan a si ruang ah khua mi vialte le pawngkam ummi vialte an khuaruahhar khunnak a si.